簡單分享下今日見主任的流程

Ling0913

簡單分享下今日見主任的流程

今日約見時間本身係下午4:40，我地提早半個鐘到左，去1號窗拎籌，等左5分鐘都冇，4:20分鐘左右就叫左去見主任。見主任過程我哋大概用左40分鐘！

入到去主任間房，主任做野快手快腳，先對我同我先生身份証，再收申請家庭成員既分身分證同出世紙副本。其他影印副本都冇收。望都冇望。
跟住一邊講一邊簽名簽名，好多簽名…...跟住就對銀金戶口結餘，銀行戶口結餘係我前一晚去櫃員機撳出嚟嘅。但我個主任話幾張紙子咁樣對，吾係咁清晰，叫我哋如果有網上理財就開比佢睇。佢連啲銀行結餘既紙仔都冇點望過。就不停抄我地網上銀行既數。抄完就話咁先好對數，又比較清楚！
由於我係家庭主婦冇工作，先生又係散工，冇保險冇股票。好快就搞掂晒啲文件。主任話暫時文件齊，吾需要補資料。兩個月內有通知合格與否。
但提一提大家，如果收到信見主任，信內裡有幾張表格，大家都盡可能先用鉛筆填左識個啲先，如果真係唔明白到時先問主任。因為如果表格空白一片去見主任，個主任應該會反晒白眼。因為佢哋見每個申請人大概只有30分鐘時間，如果文件比較多就可能要用成個鐘見。仲有表格上要求既文件副本最好準備齊，因為個個主任要求唔同，最好帶齊，以免要補文件，拖延合格進度！
今日見個主任其實做野同講嘢都好快，有佢講冇你講，佢講咩我就做咩，要咩文件就比咩文件，冇提就吾使拎出嚟。大家快手快腳。順利完成審查。

最後祝大家見主任時順順利利。派到理想成績表！

Gaoyan681011

ilovecy

多謝分享

細件0731

回應 #1 Ling0913

請問散工需要交咩證明？係唔係申請名單既成年人都要出席架？
可以大概講一下需要交咩文件嗎？因我都係家庭主婦，先生又係散工！！

yls102

ymm123123

先祝審查順利

Ling0913

回應 #4 細件0731

張表話如果滿18歲以上，有工作既家庭成員都要出席。
如果係家庭主婦，房處有份聲音要填同簽名，主任會教點填。好簡單！

我先生係地盆散工，銀行出糧。因為冇固定公司同老闆，冇入息証明。就要填份散工聲明，我地係計12個月平均收入。內容大概係填一個月平均返幾多日工，月薪平均幾錢。。。

Sze328

回應 #1 Ling0913

祝審查順利

Ling0913

回應 #6 ymm123123

多謝，我都祝你審查順利！

Ling0913

回應 #8 Sze328

多謝，我都祝你審查順利！