小心裝修黑店「尚X室內工程」

issacyung

小心裝修黑店「尚X室內工程」

大家好，首先本人係其中一名受害者，幫趁左呢間「尚X室內工程」

呢間"尚X"收錢之後周圍搵唔同既師傅做泥水/水電等等，然後走人工數，呃完一個師傅就再搵過第個，結果搵到既就係越來越少正常既師傅，雜牌軍都照上，然後就係走料錢數。

最後結果最受罪就梗係戶主啦，成個施工期有人做嘢既時間1成都無，一早就講定揀定既嘢根本都無訂，佢話會買會訂造既嘢9成唔會出現，就算出現左既嘢，佢都係走左人數。講真d嘢佢唔搵d雜牌軍做仲好，泥水做唔齊，水電亂咁黎，一黎就真係唔識，二來d師傅無錢收都報復你啦。

基本上佢由第一日就已經部署呃晒全部人，日日催客畀錢，講就咩都話得，咩都話整到，實際上收完錢就睬你都傻。你催佢就hea覆你就快，問佢訂d嘢幾時到就話遲d但係就快黎，見佢搵d雜牌軍做既嘢錯到離曬譜就話會跟，約佢出黎就放飛機，舖頭就長期無人。

唔好信佢Facebook所宣傳既相，唔好信佢講既嘢，白田邨既街坊千奇唔好再嘗試幫趁呢間專業黑店。嚴格黎講佢都唔算一間公司，可能仲有黑幕仲未揭曉。但係目前為止佢係白田邨已經呃過唔少人，好多都係老人家，成副積蓄已經比左9成佢，日日等佢希望佢會做嘢，但現實就係一味拖住，搬又未搬得，過晒免租期又要畀三倍租，畀完三倍租夠30日就要被房署趕走，戶主既生理同心理都承受住極大既壓力，但佢仍然可以不知廉恥毫無良心咁無了期拖落去，真係於心何忍。

集合一齊幫佢宣傳，費事再有更多人受害，再集體向佢追討。其他花生友希望都可以已此為鑒，搵人裝修真係千萬要小心。

CJ2004

世風日下

kaying1997

陳家陸

最惨就係佢轉頭又改過其他公司名，又出去呃人，根本防不勝防。之前見過東張西望有類似個案，有追查落去，但實際上沒解決到。苦主只好再出錢比其他公司先至埋到尾入伙，黑店條數一直追討唔到。

babyjoyce620

請問樓主喺邊到搵呢間裝修？ 現時搵到師傅接手嗎？

HeiHei2020

心急人2018

等天收

MiMi美子

?

ha-ppyday

推 ~~~

nak

回應 #1 issacyung

有無單據已供核實？我見Fb苦主群都有單據顯示。
或者報價單x左某名都可以。