請問入住新公屋有甚麼一定要裝修？

楊管

請問入住新公屋有甚麼一定要裝修？

因為暫時想慳得就慳。

（代發帖）

是佘不是余

我自己就諗住一定要舖地同間房，都唔知大概幾錢?‍??‍?

kay_yung

回應 #1 楊管

地板要整咗先，其他可以唔整。其後間房，油油

kay_yung

回應 #2 是佘不是余

鋪400尺單位，約30000(泥水，大陸磚)間房一間，約15000-20000連房門

是佘不是余

回應 #4 kay_yung

謝謝回覆，等自己心裏有預算??‍♀️

kay_yung

回應 #5 是佘不是余

我啱啱鋪完磚，等緊師傅買料間房，房門訂大陸既要訂一個月

是佘不是余

回應 #6 kay_yung

可以睇下你個地下嗎？

Alvinryoko

因為暫時想慳得就慳。
（代發帖）
楊管 發表於 2021-11-23 00:00:00 原文

無咩一定要整, 視乎每個家庭既需要

chiwing64

我自己就諗住一定要舖地同間房，都唔知大概幾錢?‍??‍?
是佘不是余 發表於 2021-11-23 01:09:15 原文

你可以去附近D舊邨周圍問下價只鋪地幾錢，我朋友自己係沙田吾知瀝源定禾輋商場入面有，未計料，找師傅舖五千多元，不過佢發覺後來同佢買料重平過你係出面買，另外有無考慮用衣櫃間房連C字櫃等等，大約都係幾萬人民幣吧，我如果吾整廚房重平多萬二，我整完後覺得兩張床，一個房間衣櫃和tv櫃可以吾使整，因為去宜X都有，又平，反而C字和衣櫃間房就好了，但如果你想平只可以選擇係香港內地設計公司，你如果找香港設計公司做，一定貴最少一倍以上，如果想慳錢就係咁做，不過自己諗，都係建議，始終都要靠自己。

chiwing64

因為暫時想慳得就慳。
（代發帖）
楊管 發表於 2021-11-23 00:00:00 原文

c字櫃，衣櫃間房，可能要改幾個天花燈，不過吾介意天花走一段仔明線，其實可以吾使搞，如果吾係你就預比人劏你幾十個電掣位，咁就收你幾萬元，自己油油，出面三至四人單位，萬二左右執灰連油油，如果你裝修佢就會叫你剷底連上油，佢會話房署個底吾好，咁就收你三萬左右，所以要慳係好多遊戲規則，好多野要注意，用文字好難表達，我同我朋友講左幫佢點慳，佢都係照比人鋸到一頸血，事後話後悔，早知聽我講，要慳錢一定無套餐咁方便，所以一定要吾怕麻煩，例如我找人做廚櫃萬二人民幣，但佢吾識駁排污渠和水喉，咁我係附近找水喉佬，二千元連改洗衣機排水喉，另外電掣位，其實房屋署比你既已經夠用，你吾需要每件電器都要獨立一個掣吧！衣家太多人裝修，裝修公司吾憂做，個個吊高黎賣，比人假象就係廿幾萬以上係公價，比得太少野佢地做，又吾中意，根本就吾係一分錢一分貨，係佢地嫌劏得我地少，咪吾中意，比得多D，順氣D咪就好D，就係咁。