租置計劃的單位有冇機會係凶宅？

KelvinTo

租置計劃的單位有冇機會係凶宅？

表面資料，睇唔出有冇凶宅。上網好似又好難查某一單位的凶宅情況。

普通公屋輪候派單位的話，都起碼會知道係咪特快。但係綠表租置的單位，請問可以點樣得知？

前幾年睇新聞，見到政府會將某些舊公屋退租單位保留，不再續租，留畀綠表租置。根據此邏輯，即便是凶宅，也不會撥歸特快輪候，而是一拼歸入租置？

當然舊公屋，搬得走都有一定成數有住戶在單位內去世，但有陣時...真係有不愉快的事件...如果唔小心買咗點算 幾十萬好難儲架 供的話仲心噏... 供幾十年...

ivyc51

有架，自然身故唔計
尤其細單位特別多。我之前格離個單位180呎 「y型尾檔5間個種」，
搬入去唔夠2個月左手邊單位死左個同工人住既婆婆「佢買左既」。
然後右手邊單位死左個阿叔，再換黎一個阿伯。「前後7年死左2個人」

對面又係一人單位，個阿伯入黎住都未必有2年，又死左。得返個阿姑住。
呢個阿姑十分麻煩，成日煲燶嘢，消防都上過黎幾次

除左第一個有工人個阿婆企理d外，其他人連地下都無鋪就入住。仲之間屋就好污糟。


而家租置個list 呢條邨仲有好多間1人單位未賣，但唔知佢邊間有人死過邊間無
要自己上樓問隔離鄰舍

terry_sk2

私樓都係咁，自然身故唔當係凶宅

MoonHeiYuet

我去觀塘問過職員，佢稱房署呢次抽起了「凶宅」，但房署「凶宅」的定義，是一定要在單位內發生之非自然死亡事件，而最後在單位內離世，方為「凶宅」；送院途中或送院後離世，不算「凶宅」，住戶離開單位，在走廊或其他樓層跳樓，亦不算「凶宅」。

至於呢次有冇賣，房署唔認為係「凶宅」的凶宅，準買家有責任自己去了解，只能奉勸一句，唔好咁信任房署。

睇中邊個單位，搵下新聞，有啲近年同層出過事的，或者有相片，影到曾有遺體，跌正落個單位樓下的，你自己諗下係咪果間喇。

更應該去實地問保安及鄰居，如果果個單位冇負面因素，我去咁多，都未試過唔肯答；但只要同層出過事，保安的反應，都截然不同，會封口唔肯講，叫你問辦事處，甚至有啲保安，睇佢表情眼神，都睇得出佢想講而唔敢講，畢竟人地只係打份工，唔想有咩事，影響到自己。

至於問完保安，上去單位外睇，保安都會交帶你，唔好拍人門，但個人認為，本身在走廊或打開門的，問佢地係冇問題；當然鄰居反應真係一個個，有啲係咪都唔睬你，叫你問房署，有啲就好好傾，肯答你乾唔乾淨，以前咩人住，個人遇到肯答的鄰居，係多於唔肯答。

保安一定係最清楚果個，有人過身，門口點白蠟燭，佢巡樓會見到；有人自殺，救護員同警員到場處理，佢會見到佢地入來，甚至仲要帶佢地上玩場；甚至保安，係要定期入去該大廈的空置單位，檢查及簽到。

咁你話佢有咩會唔知吖，如果佢唔肯講，其實已經係暗示有唔妥。

ivyc51

我去觀塘問過職員，佢稱房署呢次抽起了「凶宅」，但房署「凶宅」的定義，是一定要在單位內發生之非自然死亡...
MoonHeiYuet 發表於 2021-11-24 01:27:28 原文

簡單一句，自然死亡之後先被發現都唔算凶宅

姐係我之前隔離死左4個人既單位
係房署個邊黎講，全部唔算凶宅

我隔離個個真係「嘔」到臭我地都唔知
因為斜對面個個d垃圾味蓋過晒

後來有一日朝早成班人係門口拆門
我先知原來阿叔死左一排?

所以有得揀我都唔會買返呢類單位
個d租戶幾年換一次
有好有唔好..換左個衰走…或者換個更衰黎

但私樓 居屋 新綠置居肯定比較難遇到呢d無收入既單身鄰居
同埋至少門口唔會痴咁埋
個種樓真係門貼門

khon2236

Ferio

安居62

簡單一句，自然死亡之後先被發現都唔算凶宅
姐係我之前隔離死左4個人既單位
係房署個邊黎講，全部唔算凶宅...
ivyc51 發表於 2021-11-24 01:36:19 原文

多謝資訊呀
你寫得好有畫面

簡直見到臭味

donut2024

簡單一句，自然死亡之後先被發現都唔算凶宅
姐係我之前隔離死左4個人既單位
係房署個邊黎講，全部唔算凶宅...
ivyc51 發表於 2021-11-24 01:36:19 原文

同感，不過價錢真的實惠，交通也方便，如果買售出率較高的租置邨可能會好點，鄰居穩定好多。

我親戚住的租置邨9成住戶都買了，鄰居從小認識到大，較小機會發生不好的事件

NancyCrazy

鬼叫你窮呀頂硬上

改變一下心態，了解要實情況，凶宅都只是個形態
留意下有冇漏水好過啦