改由兒子做戶主..是審查什麼？

xjhuang0714

改由兒子做戶主..是審查什麼？

想問大家。本身住緊公屋。父母都去世。現在轉戶主俾個仔。審查你有沒資格住反公屋是審查點咩？是查你總資產超不超。仲會不會查你過去6個月的月收入超不超？我的總資產不超額，但月收入超額，仲有冇機會繼續住公屋？

何jennyho

应该无资格继续住。同埋三个人走两个，你已经无办法继续住咁大既公屋，就算你收入唔超，审查合格后都要大搬细，但你收入超，应该审查个度已经过唔到！

deaf

不是超額便趕走的，寬敞戶是另一回事。
本身有公屋戶籍，父母離世，可由子女繼承，
如收入和資產超出限額，按富戶政策處理，
房署再定租金重新簽新租約，除非超出很多倍才趕走。
寬敞戶調遷，或超額很多倍不能繼承，
都是一年後的事，不會立即實施。

Kimy1717

要審查一年的收入。

nak

回應 #1 xjhuang0714

呢D就係唔識居安思危咯，成日話攞到公屋就畢業，真正畢業係公屋轉居屋，最基本都要綠表買返個租置單位！
個仔遲早都要結婚，點解有長者既情況唔用家有長者優先揀樓抽居屋呢。
而家先明白公屋係諸多制抓。個仔資產唔超過130萬，月入唔超過6萬4佢最多都係交雙陪租，同轉返一人單位！
好多做父母都唔識為下一代打算，最叻就係公屋搏新樓。叫做畢業。
應該好似我咁，有公屋就照上，話之佢阿骨定係井，跟住用綠表抽居屋。我好幸運揀到個一房單位，330萬可用面積360尺、高層海景、樓下5分鐘馬鐵站，做左業主先係畢業。

chiwing64

想问大家。本身住紧公屋。父母都去世。现在转户主俾个仔。审查你有没资格住反公屋是审查点咩？是查你总资产...
xjhuang0714 發表於 2021-11-27 07:44:01 原文

你應該早知道收入超過，就要作打算換租置，綠置或居屋，等到父母過世才去想，就只會為自己添煩惱。。

何jennyho

你應該早知道收入超過，就要作打算換租置，綠置或居屋，等到父母過世才去想，就只會為自己添煩惱。。
chiwing64 發表於 2021-11-27 09:26:50 原文

系罗，自己人工有翻咁上下，应该趁早打算！

安居62

回應  xjhuang0714

呢D就係唔識居安思危咯，成日話攞到公屋就畢業，真正畢業係公屋轉居屋，最基本都要綠表...
nak 發表於 2021-11-27 09:18:14 原文

choi2004

6萬4一個月都超?唔喺嘛

SLLAM

係呀，只要你一日仍受富戶政策限制，間公屋幾新幾靚都冇用。富戶政策係單軌制，收入或資產其中一樣超咗都唔得，唔理你收入啱啱超出但資產係零，唔理你今年超出但下年食西北風，唔理你資產啱啱超出但收入係零，亦都唔理你已經50歲，再冇幾多時間可以工作。