兩個公屋戶主結婚

monikawong

兩個公屋戶主結婚

想請教各位，我而家個情況就係咁：

我係戶主，祖母係家庭成員，後來因去世已除名
我男朋友都係戶主，弟弟係家庭成員

想問呢個情況如果２個戶主結婚，係咪必定被房署收回其中１個單位？
有咩方法可以保留２間公屋又結到婚？
如果１間公屋轉居屋又可唔可以結婚？

謝謝指教

MoonHeiYuet

你男友除名，佢細佬通過入息同資產審查，就可以批出新租約，佢細佬做戶主。

結婚後，男友加名落你間屋度。

至於可唔可以，男友唔除名住，你地結婚後，先加名落你間公屋，再喺佢間屋除名，咁就最好問房署。

MoonHeiYuet

最穩陣做法，應該係，
你男友現在除名，轉咗間屋俾佢細佬先，
你男友借個住 非公屋/居屋 朋友的地址，
來申報除名後居所。

跟住你地結婚後，加佢個名落你公屋度，
咁就萬無一失。

monikawong

回應 #3 MoonHeiYuet

謝謝賜教 係１個非常好既方法！但想問下＂借朋友非公屋地址＂係咪都要有我男朋友係呢間屋既住址證明？

MoonHeiYuet

回應 #4 monikawong

住址證明，呢個真係唔清楚，都係問返房署。
要都好簡單，搵張少信的信用卡，改成佢朋友個地址，碌一次卡，下個月就有月結單做住址證明

或者去AEON申請張信用卡，唔會問你攞住址證明就出到卡，下個月張月結單，就做到住址證明
（好多人用呢個方法，整唔係自己住址的住址證明）

nak

住址証明同通訊地址好似有分別。
銀行既月結單只係證明收到信。
而家講緊係戶主遷出轉名，官方既住址証明係水、電、煤、固網電話費既單據。即係張單據要見到有人生活運作緊，我覺得最好去樂富問清楚。
樓下屋邨辨收貨，到最後何文田房署總部唔收貨，都係得個搞字！

chiwing64

想請教各位，我而家個情況就係咁：
我係戶主，祖母係家庭成員，後來因去世已除名
我男朋友都係戶主，弟弟...
monikawong 發表於 2021-11-27 14:48:30 原文

如果係房屋協會做法，兩兄弟，其中一個先結婚，可以加名，另一個兄弟可以係到住，但要簽紙放棄繼承，即使將來結婚，亦吾可以加老婆名，以免將來會兄弟爭樓，房屋協會係吾會比兩個兄弟兩個家庭一齊加名住一間公屋，只可以一個兄弟可以，我相信房屋署都一樣。不過我再睇翻可能我睇錯了，原來係兩個單位。