經常有人從對面公屋天台望入我屋

Komasan

經常有人從對面公屋天台望入我屋

對面棟公屋矮啲既，剛剛佢個天台就對正我屋企，近呢幾年成日有好多工人喺天台坐，唔知佢係開放俾佢地休息定點，以我所知多數洗水箱先會有人上去，最大問題係個啲男人成日望入我間屋，的確係鐘意望入屋當睇電視咁，之前家中老人家未過身前都好鐘意坐窗邊晒太陽，都係因為見有人望住所以唔坐。雖然我就一定有著衫同唔係做啲咩奇怪事?，但真係好唔自在，晾衫都唔自然，好似隨時有人監視住你咁，而我全屋得呢一個採光位有陽光入到屋，遮住就完全無光入屋密室咁好辛苦。

其實我想知點解天台可以成日開放俾工人上（我諗唔會係陌生人亂入到掛），同有無完結既一日，所以我email問過房署究竟係短期定長期開放/還是有工程所以開放，我見親佢地天台個狀態都係休息吹水/傾電話，我睇得咁清楚時佢地咪一樣望我望得好清楚?。

房署佢無正面答，只答話會訓示員工唔好咁望人，開頭一排的確好左，啲人上到去會去另一邊望風景，而且好少上去，但而家又變返之前咁，仲轉個高位置，幾個一邊望人屋企一邊吹水，我剛剛打電話問過個棟樓既主任，佢就咩都唔知，只話天台絕對唔會任人上去當休息室，要了解下先?

哎，我知返工辛苦想有空間抖下，但我俾人侵犯私穩的確好難受，唔想屋企食飯睇電視所有一舉一動都要俾人睇到。

kbedmond

影幅相上來給大家評吓比意見。

ThomasLo2018

落昌諗姐住OK, 有人望時,
或者係昌口放3塊鏡,左中右, 反光, 陽光射後, 反照,

crazyyyy

你可以試下類似反光紙 痴上窗
一樣可以望到出去 外面睇唔到裡面架

CECICCY

假如樓主嘅單位係長期窗門對住人哋嘅窗，咁點算？山不轉唯有人轉~加窗紗隔一隔感覺會好D，再講：天台始終無瓦遮頭唔係一個休息室，無理由夜間都會有工人喺度。

donut2024

可以痴防偷窺紙，可以透光，但外面睇唔到。

對我來説，私隱比透光重要

devilchilli

真係會難受
係自己屋企都比人眼望望??‍♀️

安居62

對面棟公屋矮啲既，剛剛佢個天台就對正我屋企，近呢幾年成日有好多工人喺天台坐，唔知佢係開放俾佢地休息定...
Komasan 發表於 2021-12-22 14:47:00 原文

如果有幾年時間這樣
的確好奇怪!
樓主是住公屋嗎?

安居62

對面棟公屋矮啲既，剛剛佢個天台就對正我屋企，近呢幾年成日有好多工人喺天台坐，唔知佢係開放俾佢地休息定...
Komasan 發表於 2021-12-22 14:47:00 原文

即使,天台暫設定為吸煙區。
那麼工人在做什麼工程呢

持續了幾年

skleung88