尋日發post呻咗下電工費好貴好肉赤,多謝各位谷友畀嘅意見,幫咗我好多,匯總咗一啲信息,希望幫到未裝修嘅各位。首先澄清下,尋日講嘅18個並非全部係加插蘇,好大一部分係為咗電掣使用安全或就手需要改位,呢部分都係我簽裝修嘅時候無意識到嘅,令我大失預算嘅大頭。
另外係關於價錢,原本無預計到電掣改位有咁多,裝修師傅亦講到電工部分無咩需要做,所以當時話電掣更改750/個,以為三幾個可以搞掂就無殺價。所以各位之後真係要思考清楚自己究竟有幾多要做先同師傅傾價錢。
以及如果係孖蘇,要傾好究竟計幾個電掣錢,我個師傅搵笨要計足2個錢,但我之後先知道行情一般係1.5個。
最後係一個小心被人搵笨嘅忠告:我個裝修師傅搵我笨,話兩個煤氣線預留位要請人拉線先可以用到煤氣,但原來問咗煤氣公司,原本已經拉咗線,無需要另外處理,我差啲比師傅呃多兩個電掣錢。
主要嘅注意事項(個人認為有需要考慮的)係圖上面都標註咗。
文字版如下:
①:此處為原本廚房燈及抽氣扇的開關,以皇后山為例,此處為600mm×700mm空位,若此處放雪櫃,則開關會好逼夾,改位當2個掣
②:此處為原本大房燈開關,若同圖示方式間房,則開關會被門擋住(趟門除外),唔順手,改位當1個掣
③:此處為原本廳靠外的燈開關,按圖示方式間房後為細房燈開關,若改入細房,改位當1個掣
④:此處原本為寬頻線入口,若此處放沙發,(即電視放係③所處的牆身),則要將寬頻線改到③所處的牆身,改位當1個掣
⑤:此處為原本廚房2個插蘇位置,若將改變廚房佈局,多數此處會成為洗碗盆位置,則2個插蘇難以使用,此時廚房剩1個插蘇位
⑥:此處為間出房間唯2插蘇位,若此插蘇位被床遮擋無法使用,則此房間沒有插蘇位另:若果需要安裝(或預留)客廳分體式冷氣位電掣,則裝修公司多要算2個電掣位收費。