回應 #2 何jennyho
買無契樓有咩問題？ 網民：做唔到按揭 轉手都難
無契樓或缺契樓，意思是業主已遺失整份或部份樓契，又或賣方在交易過程中不會向買方提供樓契。有網民計劃用買入一間綠表公屋單位，單位以市價開價，經過一輪議價後，業主答應減價20萬元。網民才知道業主遺失樓契，業主聲稱已經在律師樓處理樓契手續，又指「話放盤時已告知地產﹙代理﹚，但地產﹙代理﹚乜都唔知」。因此，網民在討論區上問，買無契樓有甚麼問題？
大部分網民均認為無契樓問題多，建議開帖的網民買其他單位。首先有網民指出，無契樓難以承造按揭。中原按揭董事總經理王美鳳曾指出，無契樓的買家若然取得完整的樓契核證副本，個別銀行仍會接受按揭申請，但取態上會較保守，當中的按揭息率及條件較遜。不過，部份銀行仍然難以接受補契物業，尤其對於一些已轉手多次的單位，銀行或未能確定補回的樓契是否完整，擔心若有契據缺失，業權便有瑕疵。
甚至有網民指出，曾經單位的租客，懷疑冒充遺失樓契的業主，偽造身分證到銀行取樓契核證副本，再將單位出售。所以，網民建議不要因小失大。不過，亦有網民曾買入無契樓，因為與業主相熟，而且找律師樓查冊，覺得安心才買。
-------------------
網民點睇？
ＸＸlalumlum
冇正本契約，業主可以申請番份copy, 但有啲銀行唔做冇契樓按揭。
如果你屋企人冇打算做按揭又唔會打算再賣出單位，查完冊，叫業主申請番份副本，再叫對方減價，可以考慮買。
Jasmine-47ＸＸ
曾有人租私樓, 然後整張假身份證扮遺失樓契的業主, 再找地產代理賣屋
唔只一單, 但未在公屋發生過.
有些假業主夾埋律師、地產代理做案,
所以銀行未必借足, 甚至怕麻煩唔敢借出
noel20ＸＸ
你是否不考慮上會？銀行未必做到按揭或減低借款額。
將來賣出都有困難，冇咁值錢。
除非你比市價平好多。
chadtannＸＸ
唔會買，不會冒因小失大（筆錢）的風險
ＸＸＸubulu
我前年買過，係唐樓，好舊，行樓梯等收購，無契，雖然我係識個業主，都交比熟又細心的律師樓查冊，check晒清楚，安心才買，因為無契，平好多
宜家移民多啊！
