進度:
22/6 拎鎖匙, 送地板
23/6 拎宜家高架床(2手貨), 鋪地板, 拆灶台, 裝高架床
24/6 搬左一部份雜物到新屋, 拆左舊屋的水晶燈搬去新屋, 幫舊屋裝回光管,
叫細佬幫手車左一大堆紙皮俾我, 鋪係新屋地板上, 去到新屋將雜物放上床之後鋪紙皮,
寫紙條叫CF小心做野吾好整花幅牆
25/6 去中電買金章電熱水爐, 18L 花灑式 $2680包安裝, 28/6送貨, 仲有$200電費回贈.
水電cf中午黎整電掣水喉, 旁晚香港寬頻cf上門拉光纖線, 由4:30整到夜晚8點, 兩個學師仔攪左半日整吾店要急call其他cf幫手.
26/6 教協送冷氣機洗衣機, 水電cf整洗衣機來去水喉, 煤氣cf整喉, 夜晚過黃金商場買電腦mon, 再拎返新屋, 咁岩睇見屋企原來睇到幻彩詠香港.
27/6 裝冷氣機, 送空氣清新機, 黃cf上黎度實吊柜, 灶台, 星盤的尺寸, 拆左廚房同廁所門.夜晚係屋企(舊屋)pack野, 準備第2日搬左去新屋先.
28/6 晨早7點起身搬野上車, 8點去到新屋, 連埋之前搬過去既野新屋而家有幾十袋物品堆積如山, 見到好頭痛, 第日有排攪.今日中電cf黎裝電熱水爐, 夜晚要努力pack野, 最後衝刺!!
29/6 早上10點我3個親戚好心急黎左我屋企, 原本叫佢地等我電話先出門, 黎早左無符啦, 我屋企得100尺可想而知地下幾十袋野加4個大人係迫成點, 我親戚心急到呢, 架車都未到, 野未搬, 開始拆左張組合床, 大佬連企既地方都無真係吾知點拆, 我老公吾敢出聲阻止因為人地係長輩, 千辛萬苦拆到12點, 貨車終於到啦, 又多2個人(我細佬)幫手搬野, 擾攘到1點幾終於搬左大部份野上車, 我老公同老豆仲有3個親戚坐的士過新屋, 好彩pccw係出發過新屋前上黎收走上網部機, 而家舊屋仲有一部份野未搬走, 但係我老公已經搬到得半條人命...佢仲話, 我親戚用洗臉盤洗地拖, 又將易爛物品周圍掟....好彩我吾係現場, 否則我要吐血...
30/6 擒晚臨訓前掛左8號波, 好擔心影響今日的安排, 早上差不多7點起身, 第一時間聽新聞, 好彩已經落左波, 今日要清理舊屋, 所以將剩餘物品帶去新屋, 係舊屋坐的士過去用左$85, 好辛苦搬入新屋安置好又要趕返工, 一邊搭車一邊CALL包租婆收屋, 老公坐到9點都回程返舊屋掉垃圾, 真係辛苦晒老公呢幾日做到佢得半條人命...之後10點左右包租婆過黎計數, 好順利咁拎返按金, 老公又返去新屋汁野, 等到下午同我一齊上大陸.
1/7 休息
2/7 正式搬入去住, 頭幾晚訓得吾好
3/7 催黃cf跟進下工程
4/7 無工程, 等....夜晚去宜家買家私
5/7 老公安裝好睡床, 終於有床訓啦.
6/7 裝巴士門
7/7 無工程
8/7 一早去先施睇下家品, 原來個度超細無咩野賣, 於是去實惠買左枕頭同草遮, 跟住打的回家食飯午睡, 訓到晚上6點起身, 走去教協睇下, 點知關左門, 唯有去dsc行下, 買左張金美夢床肉, $38xx, 送兩個枕頭+床墊+$100現金劵, 於是買埋電腦椅$199(只係俾$99), 睇睇下又買左2張坐椅, 好不情願地買, 因為宜家同實惠都無睇岩, 呢兩張爛坐椅都要$4xx, 仲衰過電腦椅又要貴過人, 但係不能用電腦椅當食飯椅坐, 焗住買無計.
9/7 狂催黃cf跟下工程, 終於有人上門裝左抽氣扇+拉好星盤水喉, 夜晚去上海街買廚房五金掛件, 用左$9xx.
10/7 狂催黃cf佢終於現身了, 但又像風一般速速閃人, 只係丟抵個星盤, 下午宜家送梳化床同飯台, 個家終於有d似樣.
11/7 狂催黃cf叫佢跟下個灶台星盤, 睇怕佢今日不會現身了.本帖最後由 小綿羊 於 2012-7-11 15:26:57 編輯
