房署翻新拆走舊地磚問題

楊管

房署翻新拆走舊地磚問題

⭕零裝修知識零經驗既女仔一個剛派公屋
由房署承辦商翻新
想請教一下
要求房署拆咗上手地磚，
房署拆後鋪返水泥鋪平，
想問水泥地同門口黑色果一級位置應該剩幾多距離會無影響之後鋪地磚，
因為擔心鋪完水泥再鋪地磚會同果級平排，
或影響大門開關會頂住。
⭕有此提問
事源當初要求房署拆左上手既地磚，
同房署爭執左一大輪，
最後應承幫我拆走，
之後有日房署有職員聯絡，
話師傅有關拆地問題搵我，
話師傅攞我電話直接聯絡問我好唔好，
之後我話好，
師傅之後問我需唔需要鋪番水泥，
我唔識就問咩意思？
鋪同唔鋪係有咩影響？
之後師傅話如果鋪左水泥話有機會影響之後鋪磚
話會高左，
可能會頂住個大門，
師傅講我鋪地磚都會整水泥，
話可以唔需要房署鋪水泥都可以，
咁我就聽完佢甘講就話咁唔需要房署鋪水泥，
佢同我講要我簽番張紙証明我唔需要鋪交畀房署，
之後再收到師傅聯絡，
話工程阿頭因為之前我同佢地嘈一輪要拆上手地磚，
話佢地唔忿氣要師傅幫我一定要鋪水泥，
仲要話鋪厚d，
搞到我又同房署主任去爭執一大輪，
師傅講到話佢話幫我鋪薄d但工程部阿頭話唔得一定要厚，
到去房署同主任講既時候，
房署經理話不嬲程序都要鋪水泥，
同時話唔知道點解師傅會咁講，
同張野唔係佢地房署既，
話佢地無人收到過呢張紙，
講到我地私下聯絡，
講到係我自己要求師傅咁做，
⭕想講師傅自己透過房署攞我電話聯絡我，
我第一次完全零經驗同零知識，
佢房署打黎同師傅打黎講咩我咪就照做，
師傅叫我上我單位簽名，
著左藍色印有房署標誌既polo衫，
無諗過最後有問題房署話唔關佢地事，
簽完個名可以話唔係佢地房署既，
佢地自己外判裝修，
做野出問題就推落我地戶主度，
攞到間公屋好開心同時整翻新整到心好累?
⭕求解答房署鋪完水泥應該與大門黑色個駁位隔離有幾多會唔影響再鋪地磚，
唔會平排黑色駁位同高左頂住大門，
謝謝大家
（代發帖）

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

小白龍

你好本事,係呢度睇咁耐,翻新舊公屋,地磚如房處認為可用,便保留.未見過可以嘈到房處肯幫你拆,相信都嘈得幾利害.你可能唔知拆地磚係一個大工程,費用都唔平,拆完整返平個地俾你係正常,唔係你又再嘈多次,點算.至於個工程人員點解會搵你,就真係耐人尋味啦,佢地接房處工程,係同房處交代,無理由搵個租戶問你有乜要求囉.

Bobopong1234

?樓主尋日先喺網上被人狂插，今日又係度見到呢個post

donut2024

回應 #3 Bobopong1234

我也是 女畀我睇過，難道轉了場樓主會覺得就多人認同嗎 講真，派到甘好的公屋還要嫌這嫌那，建議買樓算

文杰0427@

樓主爭取打左地磚，裝修慳翻几千，不過第二時做地磚頂住大門要改門再做翻門既油漆都要几千！仲有屋內裝修千祈5好有違反房署規側呀！要還原架

USERID7915

我近排都為裝修煩惱, 其實我覺得保留舊地磚都可以接受, 因為依家鋪磚人工真係好貴..或者係我窮啦..
另外保留地磚嘅話, 其實可以係上面鋪返spc石塑板, 依家都好多人用嘅..

TAMMY943

如鋪了厚水泥，可以鋪復合木地扳可解决地過高問題，自己的家，當然自己揀回自己喜歡的裝修材料和顏色，每人要求不同，不是完全錯。

TAMMY943

在磚上舖石塑是可以的，且更好，不用整平，我㕑房和厠所都铺了WPC全防水石塑

公屋輪候者

樓主，自食其果

ceo222

回應 #2 小白龍

佢原本D地磚籃色都好靚，咁都嘈到房署打走佢，吾怪得師傅玩野，其實都無野，可能裝修時再比多筆錢打地台，無事既。