泊喺屋苑樓下d單車其實係唔係全部都屬於屋苑居民的？

yuenserver

泊喺屋苑樓下d單車其實係唔係全部都屬於屋苑居民的？

因為呢邊始終都係新屋苑。但攞單車個陣見好多同一位置的單車。幾乎無乜郁動過。仲有D完全生晒鏽。連鎖都無的單車（新屋苑咁多生鏽車）？ 。加上我地屋苑幾乎都自出自入。好懷疑有其他外來人泊埋係度。各位街坊覺得呢？

kamanwo

搬新屋，無必要買新單車;

有單車，無規定要幾時用，完

Jk1978

屋苑內單車位不是自己業主抽籤安排使用？為什麼安排咁亂

麗翠小豬

Ohoh

mwleungflora

管理處有責任定期清理

J@$0n

其實當有一半用戶家庭有放單車，有小朋友的最少都兩架，咁都分分鐘成千㗎單車，其實屋苑裏面劃分放單車位太少，強制要抽籤得個九十幾㗎，人家買咗單車唔通抌咗佢咩，放屋企又冇地方出入電梯又撞到人哋，到時候咪唯有放走廊周圍放，有自己屋苑冇理由唔放放出面街，對面怡明邨都任得放唔只九十幾㗎啦。地下停車場、B座管理處旁空位同埋冇乜用嘅雍明商場同服務設施大樓如果可以畫啲位比真正用戶放單車都係一個唔錯嘅選擇，最多收錢嘅啫。

Jk1978

回應 #6 J@$0n

抽籤單車位是最好的，主要實名制單車位容易管理，免其他外人佔用。而且免多偷單車事件發生，因單車位不是某人，為什麼某人站在單車位有動作。

J@$0n

抽籤單車位只係對物業公司最方便同容易嘅做法，對有需要嘅用戶又抽籤唔到可以點處理有冇考慮到？單車數量多少同被偷等保安問題可以冇掛鉤。

Jk1978

單車位和資助房屋也是土地資源有限，抽籤只是算是公平分配一種方法。單車位分配與偷單車沒有直接掛鈎，現實是當你已分配單車位有個陌生人站，你都懷疑這陌生人干什麼，沒分配單車位任何人都可以站在

J@$0n

唔夠單車位咪加囉，可以有條件地申請，例如要比租金同住戶證明。抽唔到就閣下自理真係衰過住對面公屋。其實怕陌生人不如搞好過出入管理啦，你就算有單車證唔通出出入入掛係個身咩，淨係正門個車入口都已經冇掩雞籠。根本成個屋苑管理就係黑箱作業。