好驚想要的冷氣機無貨…等幾個月都未裝得

hopehomelee2015

好驚想要的冷氣機無貨…等幾個月都未裝得

我老公就係唔肯聽我的，非要裝好地板，地台床所有嘢裝好才肯裝冷氣機，我哋係自己上網買膠地板，地台床，衣櫃自己組裝，所以我咁係想裝咗冷氣機先，咁熱的天冇冷氣點做嘢呀，況且和田，菁田共9000幾戶同時入伙，冷氣機點夠呀，唔早點訂貨，咁要等到出年才有貨啊？ 偏偏我老公就係唔聽。裝分體式冷氣機仲要洗$100冇得退約師傅睇位，師傅都唔得閒，9000幾戶啊！住劏房咁多年個窗機把我耳仔都吵聾啦，晚晚訓都要戴耳塞，我再也不能忍受下半世用窗機，所以堅決唔會用窗機了，見到窗機我都怕得渾身發抖，所以一定要裝分體式，但而家去問個個都話冇貨唔知等幾時，我老公偏偏唔急，非要等到裝齊地板，傢俬再搵冷氣，我話咁要等到出年啦！真係激死，而家日日鬧交，佢性格固執，不肯聽人講嘢。

lyth716

指定型號想買好啲貴啲都要等啊，我買左放係到未裝，不過我係窗口機！

hohimhim

咩牌子冷氣要等幾個月咁巴閉？想知

chriszhenyb

你不如退一步海闊天空。如果妳唔堅持你的想法去做，即刻間屋安靜曬。咁不失為一個解決辦法。（雖然你的想法完全正確），但係會妥協，亦都係一種相處的藝術。俾我的話，我就唔中意俾人係我D床度踩上去整野，或者鬼死咁重的冷氣，企埋個人，踩爆我床板啦。如果係地台床，都可以移開避一避。另外，現在天氣秋涼啦，唔係好熱姐。我日日上，久唔久左下野，都覺得可以接受。忍下啦，冬天北風就來啦。

s9805974

可能你先生有難言之隱，可能佢想要窗口機，慳幾千蚊

mandybb88

回應 #1 hopehomelee2015

國產牌子冷氣機一大把。。電器鋪買，網上買都得。 無非就系自己穩師傅裝要給很多錢。。

tse1201

呢排我都成日去睇冷氣，百老匯豐澤之類都冇話冇貨喎，你揀嘅咩牌子呀我睇嘅全部係纖巧分體

kbedmond

回應 #1 hopehomelee2015

現在变頻窗口式冷氣機好静又慳電，價錢連安裝便宜個分体機多多聲，日後换冷氣機都好方便，妳想一想，慳返啲錢買部抽濕機仲有用。

Kwokleung

現在D冷氣多數係東南亞制做，應該貸會有
除咗大陸牌子可能有機會封城有所遲咗到

hopehomelee2015

回應 #7 tse1201

我今日去睇話暫時有貨，預約睇位要等幾日，幾日後一定話冇貨啦。而家咁係話有貨啦，幾日後可以話冇貨架嘛。