解散咗個法團啦！

petitrat

解散咗個法團啦！

個法團自成立，不停洗錢，買買買……
不停幫管理公司圓話，幫管理公司節省人手
而我哋盤數隱藏曬佢哋洗錢嘅項目，
問法團啲數，佢哋又唔答，
問法團睇戶口有幾錢，又唔回。

佢哋開會都非常封閉，二千戶，只俾一個業戶參與，
而參與的人反映過法團問題，但法團無理。
有好多街坊提過開zoom開會，可以俾多啲人參與，
佢哋當聽唔到。

個法團自把自為不停洗錢，然後話係街坊提議做嘅，
但其實所謂街坊就係佢哋圈子里的人，自己人喺度扯貓尾！

點解法團係咁洗錢？好明顯係收利益啦！
又唔見佢哋叫保安認吓住客，唔好成日被啲賣私煙的人走上樓派傳單！因為佢哋無錢收！

仲有，法團背後可能有"後台"，佢哋手上拿了足夠嘅代理人票，操控住票數，所以根本唔驚玩投票….（呢個係由上次業主大會睇到某啲人背後操作）

而家個法團越來越黑箱作業，真係好擔心最後我哋屋苑欠供應商幾千萬，管理公司一走了之，法團又話自己義工唔負責，我哋業主就要夾一大筆錢去填數咋。

聽講上手城市管理公司仲未交代到盤數出來呀，房署管到咩？佢根本監管唔到。所以唔好信法團話"有房署監管，你哋放心"呀！

所以….
1. 盡早解散法團，以免日子越耐，佢哋勢力越大。
2. 每個業主都要獨立分析、勇敢出聲。
3. 搵時間睇每一份貼出來的文件，特別係我哋盤數。
4. 死追住法團、房署要我哋屋邨銀行戶口月結單。
5. 私信我，一齊行動。

Roy444@

一嚿大肥肉個個都想食!人性真面目 貪婪!

楊管

今時今日在香港做業主真的不易。

河馬爸爸

henry96

俾的証據出來分析？

petitrat

回應 #5 henry96

盤數同開會做法等等都公開嘅，你無睇咩？
班街坊喺群組問嘅，但法團唔理，你又睇唔到咩？
所有嘢都擺出來，你關心吓。

simonwu

如果成功解散到法團，下一步你打算點做？

petitrat

回應 #3 楊管

開頭好多好多街坊都好緊張屋邨管理，成日討論點樣監管管理公司，班人開頭做法好聆聽街坊意見（扮好人博街坊支持成立法團）。

佢哋一有權就不停買嘢，又搞工程，我哋新屋苑，入伙兩年佢哋就話要全面更新啲lift！但明明就無壞無舊。當街坊發言係白痴，而家仲惡到，一有街坊指出法團問題，就有人鬧啲街坊，淨係話“有房署有核數師”睇，叫我哋放心，又話佢哋係業主選出來嘅代表，佢哋做決定得，唔洗其他人指指點點。

而家已經無乜街坊發言啦……問極法團都無答案……法團就唔想啲街坊理，等佢哋慢慢洗曬公家啲錢，無人知！

好腐敗，好黑暗！

致新屋苑：

千祈唔好成立法團！幾多錢都唔夠洗！

petitrat

回應 #7 simonwu

你不如諗咗點成功到先，以為一句如果就咁易咩

simonwu

回應 #9 petitrat

我覺得後續至係重點，因為屋苑嘅公用地方總要有人管理，例如要有人去維修、清潔、維持安全等。如果法團一定係衰嘅，必須要取消法團，即係話唔應該由業主自行管理公用地方，咁何來一個「好人」幫業主去捱義氣做呢份工？