安裝冷氣機經歷

ddhappy

安裝冷氣機經歷

今日安裝冷氣機，喺豐X買嘅。安裝師傅一嚟到，門口都未入，就話拆玻璃要另加$150，改電制另加$120，水盤$350...改電制我知道要加錢，但拆玻璃要另收錢我真係唔太清楚，sale之前有畀張單我，話可能會產生某些費用，佢有提到水盤，但拆玻璃又真係無。我就覺得有些奇怪，打電話去豐X問返個sale，sale又打電話畀個師傅，跟住個師傅就發癲咁屌晒鬼，然後sale同我解釋唔好意思，我係蝶翠苑第一單買冷氣機兼安裝嘅客人，唔知道原來蝶翠係用咗防爆玻璃，所以無事前同我講拆玻璃要另外收錢，但我落單個日個sale明明話好多蝶翠苑既客買冷氣機，佢蝶翠苑英文地址背到熟晒。。。前後矛盾咁。。。咁我都無再講咩，都預咗要畀$150＋$120, 但個水盤我就冇諗住加，個師傅就瘋狂話唔加水盤部冷氣機去唔到水㗎，原裝個去水盤係裝假狗架咋，又話唔加$350水盤就唔同我拆冷氣某粒黑色制，唔使幾耐個凍氣就玩完啦。。。一大堆。。。態度超差。。。我就覺得有點奇怪，再打去問返sale件事究竟係點。。。然後安裝部個阿頭打電話來了解一番，最後冇收到$150拆玻璃費，但是個黑色制好似無拆到。。。

夏天的味道

吓，我一直以為大型公司買嘢有保證，唔會下下都要收費添

awkhappy

幾好賺，一單就賺你 150+120+350=620，仲未計佢本身有人工。呢620本身係多餘。乜而家D居屋咁堅用到防爆玻璃？就算真係，你拆玻璃關塊玻璃咩事？關都係關隻窗事啦。改電制，又係禁住搶，其實就好簡單，但佢識你唔識，冇計。水盤就最搵錢，原裝都去唔到水，要用你呢個先去到水，我就唔信了。基本上，我覺得買機要清楚表明，包唔包安裝，如果包，以上呢堆野係唔洗錢。如果唔包，咁安裝費要幾錢，就要一個實數講明，就包哂以上呢堆野。到上黎裝機先打死狗講價就一律屌柒佢。好似買洗衣機咁，上黎裝機，話要裝個隔氣收你350，唔裝就會有臭氣回流，我話我係裝修佬唔洗客氣，佢就冇繼續sell。我覺得錢係要搵，但唔好咁狼，都要講良心，客唔係例牌咁樣比你劏。

Happymeow

我幾年前裝冷氣，都是遇到你現在所發生的情況，一模一樣，拆除玻璃$150，他提供兩條玻璃條$160，作用是封返部分窗台位，載水盤$300。
裝洗衣機時，個師傅話：房署的電掣內的電線唔夠長，令他縛唔到，要比$100，他邦我加長電線。
裝電視機時（只放在櫃臺上），個師傅話，天線插頭唔啱，要換，仲幫我換了他帶來的電綫話收$160，然後就攞咗我條原裝天綫走，話你都無用啦。
真是暈，明屈。
好彩，這些師傅的態度還可以。
最好笑是：個電視畫面成日出：訉號有問題⋯這些字句。忍無可忍，報邨辦，之後有師傅上來睇，他說：不須加這個插頭，於是，拆了交回給我。

she007008

我前年也在豐x買過冷氣，格x牌。安裝沒有收附加費，只是不停讓我+300換一個水盤，他們就一直強調原裝水盤太細，去不到水，會水倒流？影響冷氣的壽命。不過看我沒反應，最後還是沒改水盤。

暗號

胸襲外發比人做 D  cf搶錢咁 落咗定 cf嚟睇位 又咁又咁 我二话不說 同公司取消吾裝 送100元睇位费比佢 取消交易

ddhappy

回應 #5 she007008

但問題是無拆黑膠粒，問題好大

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

豬女

其實係抖零都唔使加, 通常係D師傅臨時屈錢, 其實D電掣係唔使改嘅,
係D師傅講大話扮晒嘢話要改, 佢話唔改整唔到我即刻小狠爆佢我話唔裝, 即刻攞走..!!
我話一條毛都唔好留响度, 連人帶貨即刻同我行出門口, 個師傅呆一呆, (心諗條女激過我嘅 )我跟手打去搵佢地門市同事投訴!!
所以買冷氣或任何貨品前一定要講清楚, 有不明收費一定唔會比, 但任何入我屋幫我做嘢嘅師傅一定有封利是, 師傅醒嘅我會比封大利是,
唔醒嘅我都會比封細利是, 都夠佢食兩餐茶記, 但如果你擺明屈我嘅我就一定唔得。

ktklgss2021

增知識

Maninblackii

都係個個問題 , 做水盤確係對妳有好處~ 如果唔加錢 咪用佢地講既基本安裝(基本安裝師傅同你做自然去水,塞係唔駛拆)