請問如何分辨木門上的油漆是油性還是水性？

楊管

請問如何分辨木門上的油漆是油性還是水性？

想翻新家中大門，僅在大門向室內那一面髹上油漆，所以不會被房署警告。
聞說要油對油，水性對水性。
謝謝各位。
（代發帖）

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

awkhappy

以前只有油性，沒有水性。

deaf

水性油可無痛遮蓋油性漆。

所謂油對油，還要知道底漆是甚麼油性？
比方說，底漆是磁油，是用松節水開油的，
就不能用天拿水開油的手掃漆覆蓋，否則會龜裂，反之亦然。
如用油性漆，卻不知之前是甚麼油性漆，
應先髹一層松膠，以前的索色木器做法就是這樣。
近年，房署已完全取締油性漆，全部是水性漆。
重提，不知底漆是油性或水性，水性漆可無痛覆蓋油性漆，
現在的水性漆比油性漆更耐用，無甲醛及VOC，
缺點只是稍貴一些。

MoonHeiYuet

油性漆上面，油水性漆 絕對冇問題，
水性漆上面，油油性漆，就要注意：


油性磁漆，
浴劑係 松節水，好處係容易流平，
但乾得好慢，而且好大陣味，油兩至三層。

油性手掃漆，
溶劑係 天拿水，好處係快乾，
因為要溝 手掃漆 1：2 天拿水，
而且因為天拿水揮發得快，所以味冇咁大，
漆膜亦比較細滑，壞處係要油好多層，
每層油10分鐘左右會乾，
每30分鐘重油一次，預油三至五層。

水性磁漆、水性手掃漆（兩者浴劑都係水）
同油性一樣，磁漆較易油，但較難乾，
手掃漆較細滑，但要油多幾層，
比較快乾，但不及油性手掃漆快乾。

簡單講：（原本>新油）
油性磁漆>油性磁漆：得
油性磁漆>水性磁漆：得
油性磁漆>水性手掃漆：得
油性磁漆>油性手掃漆：唔得

油性手掃漆>油性手掃漆：得
油性手掃漆>水性手掃漆：得
油性手掃漆>油性磁漆：得
油性手掃漆>水性手掃漆：得

水性磁漆>水性磁漆：得
水性磁漆>油性磁漆：得
水性磁漆>油性手掃漆：唔得
水性磁漆>水性手掃漆：得

水性手掃漆>水性手掃漆：得
水性手掃漆>油性手掃漆：唔得
水性手掃漆>水性磁漆：得
水性手掃漆>油性磁漆：得

因為天拿水，
可以溶解 油性磁漆，及各類水性漆，
所以面頭不能油上，以天拿水為溶劑的 油性手掃漆。


另外，房署基本上，都係用 油性磁漆，
主要用 駱駝牌 同 菊花牌，
視乎該屋邨承建商用邊隻牌子。

deaf

回應 #4 MoonHeiYuet

不知你的資料何來，香港雖然無明文禁油性漆令，
但政府工程，早已全面使用水性漆了，
菊花和駱駝都有水性磁漆及其他水性漆。

不過香港裝修佬非常落後，不排除二判仍用油性漆，
尤其古老石山的濕鳩裝修佬，仍然普遍用油性漆，
甚至還用菜膠福粉，政府工程已全面禁用，一律用膩子灰。
歐盟以至中國大陸，都全面禁止在室內使用油性漆了！
我已不在工程界，但有留意房署新建及翻新單位，
的確無油性漆氣味，肯定已全面使用水性漆。
髹一隻門咁小事，不需理會以前是甚麼漆，
一公升水性磁漆夠做，而且水性磁漆很快乾透，
有全光至啞光，遮蓋力非常強，
如用砂紙省舊門，先髹一層水性底漆，效果更好！

MoonHeiYuet

回應 #5 deaf

起新樓用水性，
但翻新/維修單位，及公用地方，
仍然用緊油性漆。

房署承建商，翻新吉房，
同為現有租戶執修，咪你所講「二判」囉，
而且的確仍然主力用緊油性磁漆，
無論係屋邨工程部貨倉，
同睇住師傅抽住上樓執修，
甚至早前我個木門維修完補油，
都係用油性磁漆。

另外，約年幾前，
翠屏南邨 公用地方翻新欄杆，
都係用藍色油性磁漆，
我睇住師傅溝松節水，而且好大陣味。

估計招標翻新屋邨，
同日常保養屋邨的承建商，
係無禁止佢用油性油。

不過我都唔明白，用油性係咪真係慳到錢，
雖然油錢平少少，但松節水都要成本架，
而且難乾，上下午各油一次都未必得，
水性一日內一定搞得掂，
人工都要錢架，油性要分幾日油。

另外，房屋署工程認可產品，
仍然有 駱駝牌膠玉磁漆：
https://www.camel.com.hk/zh-hant/products/main/6/?page=1

MoonHeiYuet

好明顯，仲有唔少屋邨仲用緊油性磁漆翻新

路政署，街邊灰色欄杆、紅綠燈柱等，
就的確似係用水性油。

另外，我條邨我收樓時，約十年八年前，
個承建商係用菊花牌翻新，
我大門嫌佢油得唔靚，
我去攞色卡對，水性2000系列對唔到，
油性1100系列就對到一模一樣，
而且問過對面屋，
佢都話果時油門好大陣天拿水味，
（佢唔識分天拿水、松節水）
我最後買水性，成對門油到少少色差算，
一來油性難要乾又搞得耐，
二來怕對面有意見，好難聞。

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

格蘭度

回應 #1 楊管

本人有新方法，任何木門表面都可以油乳膠漆，不脫皮。

https://cyclub.happyhongkong.com/viewthread.php?tid=345828