樓契??

Kei2

樓契??

其實除咗攞咗匙外, 有無其他証明間樓係你? 到宜家裝修中都無見過樓契? 要問律師樓? 問房署?

Happymeow

這個單位，你是否向銀行貸款？若是，要供滿咗，到時律師事務所會聯絡你去攞樓契的文件（或電子版本）

Happymeow

申請貸款時，銀行職員說：唔好唔見咗當天購買單位時，律師給回的收據，這些就是證明文件。

配房組

有做按揭, 樓契係銀行手裡.

worldcat

你律師樓會畀返幾份文件你，轉讓契 按揭契 土地註冊等等。

除非full paid，否則正式樓契都係銀行保管。樓契係一份吋幾兩吋厚的文件，就算畀返你你都唔知擺去邊，所以好多人就算有能力都還淨十零廿萬按揭慢慢供，等銀行保管，平過租保險箱。

有正本契可以做到好多嘢/無咗亦好多嘢做唔到或好麻煩。同時正本契係無得補領，最多申請返一份蓋印副本。

kbedmond

回應 #1 Kei2

上網比錢去田土廳做查册Land search，有你單位record證明你是業主，除非你唔係，又或律師樓太多野做太亂唔見咗你張屋契，冇攞去田土廳登記registration !

zskin13

好多人就供完都特登拖長供款期，就係唔想自己keep住樓契，交俾銀行保管。自己keep有錢都未必book到保險箱。

wwL卫卫

请问先揾律师，再去银行做按揭吗？请指教，多谢！

Happymeow

因為去銀行申請按揭貸款時，銀行會問你用哪間律師事務所。
銀行會出信給律師事務所，辦理跟住嚟嘅收樓手續。