簡約公屋以集裝箱方式興建 最高可達十多層

楊管

簡約公屋以集裝箱方式興建 最高可達十多層

有劏房戶稱願考慮入住

特首李家超今日公布《施政報告》提出，將輪候公屋時間「封頂」，期望縮短至4年半，並會興建「簡約公屋」，以家庭為優先入住。有劏房住戶對相關政策感開心，亦有單身非長者的公屋申請人認為房屋政策作用不大。李家超於記者會上表示，「簡約公屋」以集裝箱興建，料可建十多層，而且可居住5年。

李家超表示，有信心將《施政報告》提出將輪候公屋時間封頂的政策，由現時約6年的輪候時間，在4年內降至約4年半，形容「非常大膽嘅一個決定」。

李小姐一家3口住在旺角約120尺劏房，已申請公屋7年仍未能上樓。她表示，政府將輪候公屋時間封頂為「當然開心」，可幫助基層市民盡快上公屋。她又指，會考慮申請入住「簡約公屋」，稱「邊個唔想住好啲」，但現時輪候時間已有7年，處於「尷尬期」，不期望入住「簡約公屋」後短時間內就可以上公屋，「搬入去好快又搬走好麻煩」，又指加上須考慮「簡約公屋」地點及配套等因素，她表示仍希望盡快上公屋。

另外，有單身非長者人士對政府優先為家庭安排入住「簡約公屋」感不滿，指大部分單身人士已輪候公屋逾10年，認為政府亦應考慮他們的需求，又指房屋政策為「炒冷飯」，幫助不大。

香港社區組織協會則表示，歡迎政府將輪候公屋時間封頂的政策，形容為「突破性」決定，但認為最理想為縮短輪候時間至3年，並期望有明確告別劏房的時間表。

awkhappy

痴線，集裝箱，即係貨櫃，香港人係咪真係要咁慘，連一間正常既屋都冇得住。

buyer

集裝箱鐵皮造，夏天好熱

blyyoho

集裝箱建十多層.....

豬事丁

無論簡約屋或者人均居住面積. 都係非夢想的事實
本地居住環境狹窄空間細少. 改不了

繼續發夢

Hk77Hk

繼續等…

Chanxx78278

等待中

PP448

我有d好奇想問問, 如果我冇睇錯新聞,
個政策係話排公屋3年就可以申請呢個簡約公屋, 租金係公屋9折, 最多住5年, 仲話可能包埋冷氣機,
而原本排緊公屋果條隊係繼續排,
我理解為, 俾d住緊劏房捱緊貴租ge起碼可以抖啖氣,
但又好奇妙咁見到有人係度鬧, 又話痴線又話盛,
定係我理解有錯誤呢???

剋星

Lift 呢？

ghung

打風呢 ?