公屋網民求救：已離婚數年的母親不肯遷出...

楊管

公屋網民求救：已離婚數年的母親不肯遷出...

可否通知房署趕走她？

正所謂「家家有本難唸的經」，但好多時公屋住戶嘅家庭問題，又真係會同住屋問題掛鈎，比住私樓嘅人更加頭痛！有網民喺社交平台發帖，話「想趕走住咗十幾年公屋前幾年離咗婚嘅老母」，大家認為可以點樣解決呢？

樓主表示佢有個前幾年跟父親離咗婚嘅母親，仲強調「無照顧過女、無出過錢」，但母親一直都住在同一公屋單位，到目前已經十幾年，樓主好感慨咁話：「屋企成家都好仁慈，忍咗佢好多年」，而公屋住戶名單，母親係「無落過名」，樓主嘅計劃係咁：「依家想趕佢走，通知房署，房署會唔會以分租為由收返間公屋？」

不過有醒目網民就發現到「有破綻」：「你係邊個先？你係條女個男朋友想趕佢老母走再結婚搬入去？」、「係你口吻講到你唔係喺度住」，樓主亦好老實咁講出實際情況：「我的確唔係當事人！ 只不過我朋友今次好醒咁錄咗佢屋企嘈交，我先見識到咁嘅人！不過我都唔知可以點幫…… 想睇吓大家會點做？」

樓主朋友嘅已離婚母親，公屋住戶名單無落名，樓主問如果想趕佢走，係咪可以報房署？

關於樓主朋友呢個棘手處境，有網民話：「報房署應該無問題，你都話無落過名」，但又有網民話：「間屋有冇佢名？如果冇，就換鎖唔俾佢入；如果有，你就唔好攪事，因為離婚係會將間屋分配俾女士，會趕走咗男戶主果面」，樓主追問：「係無名㗎！叫佢以趕唔走嘅理由報上去？ 係咪會酌情處理？」，但有網民覺得無咁容易完滿解決：「非法闖入囉！但老母會日日喺門口等你開門！」

有網民就認為以頼死唔搬走母親嘅性格，無論係換鎖，或者報房署，日後母親都只會日日喺門口煩樓主朋友。

ahpoohmo

家家有本難念的經，細節上好多問題出現

ktklgss2021

RacRac2

唉！家庭問題,驚到時又成為「東張」報導。

JW1229

家事仲難搞過"追數佬", 只有屋主有意搬走(另買居屋/綠置), 先有機撇甩這個母親!  (亦有機會撇唔底, 買埋新屋益埋她)

睇當事人還晒前世的債未!!

joey3294

難

JOEYPUN

家庭問題,頭痛

*~ZeRiO~*

條女想趕佢老母走 自己搬入去住

陳Siuchor

現在住係公屋好多人都有家庭問題，顧得掂自己已屬萬幸，边仲有咁多時間去理其他家庭問題。

DTC2022

離咗婚都係個女嘅老母...想趕人走都好有問題...