租置公屋首期？

babydino

租置公屋首期？

請問如果通過了審查後，申請了綠表購買證，可以響地產鋪搵二手公屋嗎？抑或一定要透過（抽居屋）去申請？首期是否5％？
謝謝。

3年2組

回應 #1 babydino

租者置其屋 公屋按揭須知

透過「租者置其屋」計劃購買公屋單位的人士，如首次向銀行申請按揭可獲房委會擔保。公屋按揭貸款額可達95%，甚至100%，而還款期更可長達25年，並豁免壓力測試。息口方面與一般私樓睇齊，可以H按或P按還款。另外，按現行政策，除已補地價的單位，其他租者置其屋的業主必須先獲得房屋署署長批准，才可轉變現有的按揭安排。一般可獲接納的原因大致包括：業權轉變、按揭利率優惠、轉職而不能使用原有的按揭安排等。

3年2組

可以響地產鋪搵二手公屋嗎？
可以！自由選擇多，不過價位就肯定不會平。

還是一定要透過（抽居屋）去申請？
透過抽籤就如買六合彩博揀樓先后次序。
不過勝在價錢便宜

Jazkie

地產鋪賣既公屋 應該唔係5%首期, 因為已經係二手公屋,
二手公屋已經冇房署做擔保，銀行有機會唔借咁多，可能最高做到按6成。
即係代表你要準備4成手期。
詳情最好去問銀行。

Waiman813

謝謝分享

3年2組

公屋買賣流程

合資格的綠表，可以免補地價，購買居二市場的公屋售盤。
跟購買未補價二手居屋一樣，準買家和業主先要得到房署許可，
前者需要持有購買資格證明書 (准買證)，後者亦要有可供出售證明書 (准賣證)。
綠表人士只需直接向房署申領准買證，即可物色未補價公屋盤。

3年2組

回應 #4 Jazkie

(1.) 「供款佔入息比率」
「供款佔入息比率」是銀行對申請人的基本入息要求，
計法是每月總供款金額不超過入息50%(即一半)可獲通過。

（2）「壓力測試」
壓力測試 是銀行評估申請人可承受嘅還款壓力，計法是以現時按息加3厘*(以H按為例，就是將H按封頂息率2.5厘加3厘，即5.5厘計算)按揭供款，而在這個假定下，每月總供款金額不可超過入息60%。

另外借貸人置業首期金額?成數，年齡等等因素

kenny0922

可以  找綠表價的公屋盤

babydino

謝謝各位師兄師姐解答。。
即係透過（租置者其屋）去購買公屋會平過地產鋪既放盤，而且不限樓齡都可以做到5%首期，但要抽籤。。
地產鋪果啲就需要多啲首期。。
我理解正確嗎？

babydino

另外想問下各位師兄師姐，（租置者其屋）計劃的可購買的單位是由房屋署指定嗎？。。即係好似特快公屋咁有一份單位名單揀樓？