回應 #6 飛faiyu772
伯母想申請綜緩？要把她名下的財產清乾淨，才聯絡社工尋求協助，這步驟是必須的，無論是輪公屋或政府老人院舍。
爸爸走後無耐，媽媽跌親住院好耐，但比醫院趕，但又話她不能自己住，一係入老人院，一係請姐姐，當然我有叫跟我住，但媽媽可能見我要照顧自己兩個小朋友都唔得閒，因為她跌親後行唔到，果段時間賣樓，因為真係無錢，賣時她仍左醫院，所以就寫左授權比我賣，錢入我戶口，她還了錢給我，然後那些錢都係幫她找姐姐人工、屋租、日常生活費。
她都做左幾年物理治療了，最近社工都話她不能獨居，因初初她同社而講無錢，想租劏房同不要姐姐，但社工話她不能獨居，因呢幾年，她仍會不時跌親，試過姐姐放假，她去開門整水喉，跌到個頭流曬血，水喉師父打比我，我即去帶她入急症室，照ct同聯左幾針。上一兩個月都有跌親過。
*外傭屬於短期安排，長遠來看入住政府辦嘅安老院是上策。
因為爸爸走左，她常掛念爸爸，會哭，家下有姐姐會陪她傾下計，她好左，同埋她話自在d，住老人院唔想喔，除非她有日完全唔郁得要人照顧先。
她有排老人院，但她好抗拒，我氹她話排，排好耐，到排到你真係唔想去就唔去，唔係你身體轉差先開始排，又會等好耐。
