綠置居2022逾2千納米單位滯銷

楊管

綠置居2022逾2千納米單位滯銷

公屋家庭戶不欲大屋搬細屋 一人或有機會上樓

今次綠置居選址位於塘高宏苑、馬鞍山錦柏苑及粉嶺清濤苑，共提供4690個單位。入場門檻不高，最低首期只需要3萬7千元，吸引公屋戶申請。而公屋戶一旦選中綠置居單位，便需要交回現居的公屋。有公屋申請戶表示今期興建太多納米樓，導致他們沒有意欲購買。

綠置居由3月28日開始揀樓，截至房委會5月15日中午的資料，仍有2196伙單位未有人選購，佔整體綠置居數字約45%，銷情堪虞。剩下的單位，面積最大的單位，只有26.8平方米，僅適合1-2人申請者居住。

公屋家庭戶鬧爆

近年居屋以及綠置居為人垢病之處，便是瘋狂興建納米樓，令不少申公屋家庭申請者為之卻步。以油塘宏苑為例，實用面積最細的單位，只有17.3平方米，可以與私樓「龍床盤」一決高下。

有公屋戶鬧爆房署為追求建屋量，而瘋狂興建納米樓。

「綠置居2022只有4,xxx個單位，邊會諗到選樓次序第149xx會收到揀樓信，去八下仲有咩單位淨，一睇最大都係只有26.8平方米，正常一個家庭點用間公屋出嚟換，分分鐘細個住緊果間。」

該公屋戶表示：「想人交回公屋好心起返多啲2房啦！」他還打趣說：「呢期一人有機會喇！」

網民回應：
- 你明唔明起一個四百幾呎嘅單位叫一個，將一個四百幾呎單位切開一半就即刻變兩個單位，數字上由可能提供一千個單位變成二千個單位。
- 因為前幾年堂房盛行，租又旺，買嘅因銀碼細，易上車，好多人都爭住呢上車，連香港d大地產商都爭住起納米樓⋯⋯多少有可能是某些人為了交功課提出的方案。
- 500呎以上就有意欲
- 就算之後最細都係只有26.8平方米，家庭跟本唔夠住，最少起400呎咁先吸引

SLLAM

睇下又有冇啲人形生物會話：“冇人迫你買啫” 、“有公屋住又有居屋買，仲想點啊”

Yancy

浪費 時間金錢，結果等 空，可能會 改方案 轉身 私買！ 要人 換屋 都起大D啦！ 玩嘢！ 一人果D ，都沒排上，想買都買唔到，唔知推出嚟 搞咪？ 真的像 樓主說一樣：交數！

Yancy

回應 #1 楊管

Roy444@

17.3平方米 七除八扣實用得15X呎單人住太細?我係單人公屋都無咁細 改善唔到居住空間 一定唔會去抽❗如貨尾又放係特快售 單身輪候者要好好把握今次滯銷貨可加快上樓? 呢批應該係最後一批納米單位既綠置及居屋.

tommy0721

抽公屋去做綠置居根本就係錯，係抽都抽居屋啦，今期居屋 9000 個單位，抽 3000 個出嚟變綠置居都已經滿足到大部份人的需要

mon2005

應該都係留返比單人輪候公屋人士啃左佢

JW1229

我係另一個PO都發表指出, 綠置居應先實施改變"長者優先"方案!

現實舉例, 2個長者因優先買左2房大單位,5年後放售比綠表家庭(必然起碼貴3成), 那講白D, 本來大家都係公屋戶,就憑長者優先政策, 要家庭戶白白送上幾十萬比2位長者退休養老?  甘既政策算公平咩!  相反, 1人隊又無分長者同非長者, 甘又對1人長者公平咩!

其實用得綠表去抽綠置8成都係公屋戶,剩下多為公務員/已通過審查(S2)公屋隊, 申請時必定落齊家庭成員的名單, 應該加入用人數去配對樓房面積揀樓優先!

he_wind

成日話起多D二房單位，但有無諗過有個可能係房署統計申請個案係2-3人為主？納米係照顧1人申請，10年都上唔到樓啊D人係唔係都要照顧？

NGB1

回應 #8 JW1229

或者用房協的做法，組別設有面積限制及每個組別間住揀樓(而非房委會的全組別用完額度再去下一組)。