啟田邨入面分別有啟仁樓、啟旺樓、同埋啟信樓，當中「仁、信」都係以中國儒家所提倡的「五常」價值觀為命名，而「旺」亦可以解作興旺等有福氣嘅含意。不過到底點解會以儒家思想作為命名嘅中心思想呢？
屋邨嘅名稱係希望能反映到當區文化以及屋邨特色，同時亦講求詩意同好意頭，就好似啟田邨嘅三座大廈一樣，帶有興旺嘅意思之餘，亦以「五常」中「仁、信」嘅美德，為居民帶嚟美滿同幸福。
講到啟田邨，當然要提及藍田邨啦！建於1966年嘅藍田邨係徙置屋邨，一共有23幢大廈。自1992年起，香港房屋委員會分階段推出「藍田邨重建計劃」，整項計劃於2010年完成。喺藍田邨拆卸之後，原址重建咗一個公共屋邨同一個居屋屋苑，當中包括今次嘅主角 - 啟田邨。
以鄰近啟田道而名嘅啟田邨喺1996年落成，前身為藍田邨第11至14座，提供近二千三百個單位。屋邨配套非常充足，鄰近嘅休憩設施有游泳池、圖書館等，同時亦係區內交通主要位置，四通八達，一定滿足到居民所需。
