請教大家 補交保險週年報表問題

Luke_C

請教大家 補交保險週年報表問題

見完主任後，最近半年的入息和資產都冇問題，但係主任話懷疑我地2015年申請公屋時資產超額(保險現金價值)，
要求我們補交當年的保險週年報表(9年前)。但詢問保險經紀後話最多只有7年之前的週年報表。

我可以肯定當年資產一定冇超，因為該保險的現金價值是按年累積的，而累積至本年(2023年)為止，該保險的現金價值也不超出2015年當時的資產限額 (455,000 元)，我提出可以提供保單正本+7年前至今所有的週年報表，但主任堅持要求要9年前的保險週年報表。

如果我地真係搵唔到無得交，應該點算？係咪會直接被取消資格? 搵區議員幫手有用嗎? 謝謝！

Chau888

你打去自己保險公司客服，申請當年週年報表，保險公司內部會同你揾，但係你要寫封申請信要返當年報表，佢會講可能未必揾到，但係多數揾到既，定D嚟

Chau888

重有紅利計入息，主任計返你當年有冇资格申請公屋，即係藍卡，你當年冇報保險

grxgr

你再chur保險公司好過, 點可能無記錄, 佢想簡單化件事

Luke_C

回應 #3 Chau888

有申報+報齊的，請問淨退保價值是等於紅利嗎？因為在審查時，主任只把保險的現金價值計算在申請者聲明書上「資產淨值-投資」那一項，並沒有算入「每月入息-紅利」那一項

Luke_C

回應 #2 Chau888

謝謝！會打電話去客服問下，想請問申請信是保險公司有正式的表格需要填寫，還是自己寫一封信交去保險公司客服就可以？

Chau888

回應 #6 Luke_C

你要自己寫定，佢如果揾到當年報表，佢問你係咪，e mail,比你，你可以同佢講直接上公司囉，之後就比房署，安心D，唔洗寄來寄去，至於保險红利計，每月入息

wongcl

當年無報。。。dq左7成啦

winkycheung1224

我試過同你一樣情況，拎得到，放心
你搵你保險經紀處理，好似要經由幾個部門申請,我之前經記問公司，都係話最多拎到7年資料，再同我處理,等大約10日到就會寄番

Luke_C

回應 #9 winkycheung1224

謝謝！已經親自去保險公司客服中心申請，但客服中心都表示只有截至7年前的報表，想請問你的保險公司是哪一間？是AIA嗎？想知道是否有其他途徑/手續需要辦理才能申請到？??