提提大家搵裝修公司要小心

csy920

提提大家搵裝修公司要小心

話說我二派新田園邨畢業…都無諗住大裝修…只係整鋁窗…裝分體式冷氣連架…廁所換PD門…訂做床…改TV線…其實無咩整架啦…簡單野就諗住近近去新翠邨商場搵裝修…唔太貴4萬幾…我要求都唔高㗎啦 。

由傾好畀晒訂後…啲嘢唔追唔做…問親幾時裝幾時完工…話覆又唔覆…講好咗TV線點樣拉…都無跟嘅…傾個陣明明講咗要裝抽油煙機…幫我搵埋邊款機按單收費…由畀訂到而家差幾日就一個月…再追問佢點解仲未裝…佢仲問番我你唔係話裝抽氣扇咩…咩料呀…我老屈你把鬼咩 😩。張訂單你自己寫咗代裝抽油煙機架 。

個老闆叫啲伙記去做…做完又唔睇又唔check…又唔跟進下…換咗個廁所門就咁放係到又唔掉…攪到副牆被佢啲伙記整到刮甩咗一達仔皮…仲要話你哋油返油漆好易攪掂啦…你做開就緊係易啦大佬😩。如果唔係想盡快入住…真係想換咗間裝修公司啊😩。最大問題係完全唔會交代下進度…問完又唔覆…除咗裝修我仲有好多野要安排要攪。

係到提提大家…裝修真係唔好亂咁搵亂咁試…唔係真係一肚氣…同你傾個時有紋有路…又話做緊豪裝…又畀做過啲相你睇…又叫放心交畀佢做。千祈唔好信晒佢哋。自己一定要跟足個過程…同佢講過所有野要點做嘅…真係唔好怕煩…所有野都要白紙黑字寫清楚…可以錄音錄埋佢…由其係幾時安裝…幾時完工…所有細節寫清潔 。

王大媽

我之前亞仔公司用開師傅，吾知平貴，岩佢過左農曆年有空檔，1人單位整吾多野，佢3星期左右搞掂，反而訂傢俱要1個多月。

blyyoho

ceo222

幾萬元可以啦，有D人装修幾十萬都係一肚氣。

Galaxylee

回應 #4 王大媽

呢個世界識人好過識字,寫哂合同都無用一樣一肚氣,裝修預咗使錢但唔想比人呃當水魚兼勞氣政府幾時至肯幫吓小市民

心急上樓52

提都無用 睇你好唔好彩

王大媽

回應 #7 Galaxylee

政府幫吾到咁多架喎，如果樣樣都要政府幫，咁大家就要好似外國咁立33％稅以上，等政府多d資源啦！

csy920

回應 #4 王大媽

好彩

csy920

回應 #8 心急上樓52

都係，我只希望唔好爛尾，對佢已經無要求

Vic88

裝修真係睇彩數