我好大機會將來剩返1個人···求意見🙏🏻

想住到死果日

我好大機會將來剩返1個人···求意見🙏🏻

先講我背景：42歲 單身；是320呎左右單位住戶…入伙時父, 母, 我與弟弟4人…所以我要隱瞞屋邨…因為知邊條邨就好易收窄範圍搵到我。

正常月薪：萬頭

弟弟2017年搬左名都剔走左；母親於2021年過身。因此單位現在是爸和我居住。
我都知阿爸終有一日會走嘅； 所以一直在想這3條路 ：

1. 順其自然…阿爸走至算…係唔係應該好大機會要搬去細單位？會點搞？

2. 希望透過綠表買到租置屋邨單位。

3. 希望透過綠表買到綠置居。

居屋？起碼$200萬；已受現實毒打 計過條數唔掂： https://cyclub.happyhongkong.com/viewthread.php?tid=372213

我已經用家有長者填綠置居2024；唔介意聯名業主…而且都想阿爸成世做到1次業主。

我自己計算過…最多一次過拎到$80萬出嚟做首期…真係極限。
我想問的問題在…銀行會唔會接受1個42歲嘅人貸款分30年還？(另一位業主過70歲更加唔需要提...)

*** 如果不幸..到阿爸過身都未能置業…遺產係唔係應該全部畀晒弟弟…避免資產超過1人上限？

*** 調遷去細單位…係唔係通常會畀新樓？避免到時又清拆搞一輪？

我阿爸就經常講 4: 求其搵個女人結婚…去埋大陸搵…根據起碼4年先申請到身分證加名到時阿爸未必在世…這應該否決吧？

5. 就係真係非常好彩…我單位劃入拎番出黎賣…甚至全港公屋畀次機會賣畀現租戶。

ivan6111

收到

配房組

買居屋係一個好的選擇.
另外,你唔講邊條村無關係. 只要你一達到係寬敞戶就個個月主任都有報告睇到啦.

楊管

回應 #1 想住到死果日

並非通常會派新樓…看運氣。

寬敞戶調遷
https://cyclub.happyhongkong.com/viewthread.php?tid=62969

等運中

回應 #1 想住到死果日

若果租置單位你會否考慮，雖然都是公屋，但價碼比較細，你可以考慮下

alice1218

家有長者綠表抽租置。 經房署買平均2000蚊呎。如300呎都係60萬。樓齡舊d同埋要預維修費。樓主可考慮下。
或是新綠置居 大開 應該200萬左右

飛faiyu772

回應 #1 想住到死果日

C兄：
*避免資產超過1人上限，打算把老爸的遺產全部畀晒弟弟？這想法有商榷餘地。
*調遷去細單位，唔一定係新，視乎當時該區實際情況。
*結婚是嚴肅的事，唔建議為了保住間公屋，求其搵個女人，這是下下之策，因為請神容易、送神難。
*長遠最穩陣就係，以公屋換綠置或居屋，計清楚條數就著手去做，事不宜遲。

想住到死果日

回應 #7 飛faiyu772

我具體邊條邨唔講得，但區就講得既，就係葵青。
你講綠置區或租置好有道理。

我一路唸樣野，咁港女冇住屋需求咩，與其1個月7-8千俾間百零尺劏房，不如同我
而且港女有身分證可以即刻結婚就加名，我只有一個要求同我阿爸一齊住。
又唔洗辭工； 而且兩個人搵錢用綠表申請居屋或綠置居，負擔一定細好多。

正題一下，銀行會唔會批1個40幾歲既人； 30年貸款？
搵一下，好似42仲可以有機會做30年

想住到死果日

我係上年8月填綠表，填家有長者居屋2023， 剔埋順帶申請綠置居2024 。
我講D衰野，今年年頭，我係有機會揀樓； 但放棄，因為：

惟一似樣既啟悅苑太貴；但其他咩安達臣元朗洪水橋；一來都貴，二來一聽地名你地都打左個突吧。

點解當時唔買租置，因為：

就係前面有朋友提到，樓齡大，真係有機會要夾錢做維持；與房署拆晒上手D裝修，咁就唔係表面果60萬，而係要計裝修費，同埋房署只俾最多3個月時間裝修！（問清楚規矩，買左租置，要60日內搬離現在公屋單位，最多只俾多1個月市值租金，總共3個月後就冇得留低）

仲有個重點係，樓價將會一直跌嘛。

。。。。。

但當收到綠置區呢次號碼； 我開始重新考慮問題；
咁麗玥苑新樓又最少有280尺定296尺，最平154萬嘛。

裝修費就係無論買到綠置居, 租置, 或被迫遷細單位都好，係唔係都要俾架啦。（ 補充： 搬入另一間公屋好似有權保留上手裝修唔拆）

與一直唔置業，就要賭阿爸長命百歲，我固然希望阿爸可以，但，一定要想對策。

飛faiyu772

回應 #8 想住到死果日

C兄：
港女這個詞有貶義，無謂得罪人。
你對女性可能不太瞭解，有獨立思想嗰啲，寧願屈喺劏房，都未必肯求其嫁，重點係野解要嫁俾你？
*聽到嫁咗要同老鬼住！唔鏟你=溫柔+好俾面。
*堅持要同屋住，咁就要睇你嗰間係乜屋？
*各自都係套房，佢哋或者肯制，起碼少啲尷尬嘢。
*其實，唔係就咁搵個女人談情，順便叫佢一齊揹間屋嘅開支。
*通常都係先有心儀對象，情投意合組織家庭，
*訂立買屋目標，下一步先至傾，$$怎樣分配？
*貸款方面，建議你去銀行瞭解真實情況*