講講我由公屋仔變私樓仔所見

joe123

講講我由公屋仔變私樓仔所見

結婚前同父母一齊住公屋…婚後買咗大型屋苑私樓搬走咗

講講公屋同私樓兩者分別

1）保安方面
公屋係無掩雞籠…咩人都可以自出自入…有時保安會主動開埋門畀你…望都唔望一眼…有時仲見佢喺度瞓覺
私樓入屋苑要拍卡…有訪客一定要登記…上樓前會通知業主

2）鄰居質素
住公屋時…樓上有家人一到夜晚就吵鬧…嘈到上下幾層都聽到…斷斷續續咗幾年
經常見有長者四處吐痰
私樓住咗咁耐…暫時ok…最近樓上冷氣機滴水…同管理處反映後…第二晚無滴水…估佢哋應該暫時停用冷氣機

3）環境衛生
公屋長期有個垃圾桶放喺樓層升降機大堂…周圍都係垃圾
公屋升降機長期有陣味…但搵唔到原因
私樓有自己垃圾房

暫時諗到咁多
戴返個頭盔先…以上所講只反映本人自身經歷…唔可以代表到d咩
（轉發）

高腳七

Chloe6699

冷氣機滴水係你好彩。

利申：我之前租屋萬二每個月…樓上唔知邊間滴水…同管理處講多餘…問我是否知道邊間…是否睇得到…每晚滴水…覺都瞓唔到🤣…後面報埋政府其他部門…跟住個部門嚟咗做嘢先快手…而且私樓衛生方面好睇個人素養…一樣有啲人個素養真喺難形容…謹代表我個人經歷。

羅恩恩

kwuntonger

回應 #3 Chloe6699

Tonychow

按樓主轉載一段文章, 除了覺得好猛太陽之外並無實際反映私樓情況！在電視報導上亦有些豪宅住戶被鄰居煩擾, 亦有部份私樓住戶質素參差, 情況不可一概而論！

CECICCY

咦，樓主話：何不食肉糜？

ceo222

回應 #3 Chloe6699

睇下邊D私樓，大型屋苑，發展商管理會好好多，但人既質素同穿著其實同公屋好吾同，公屋比較雜D，綠置居好少少，居屋就好，私樓就更好，其實係好有明顯既分別。

Chloe6699

回應 #8 ceo222

一種米養百種人，我都講咗祗代表個人經歷，我冇你咁多研究，不過都分別有朋友住緊你口中所講各屋苑，多少都會有啲煩惱，一樣難有完美，素養真喺睇個人，無論之前租屋或入住公屋後，發現一樣有素養好個鄰居，亦都發現有啲人素養就真係與人唔同，或者係人不可以貌相。

ceo222

回應 #9 Chloe6699

咁又吾使研究，自己工作關係一直經常接觸呢幾種居民，當然係一樣米百養人，但質素好或吾好，只係睇邊樣多或少啫。