舊邨單位廳天花有黃漬和臭味

楊管

舊邨單位廳天花有黃漬和臭味

我住了三年…一直都無事…今年4月開始聽到上一層單位發出裝修聲…兩個星期前天花開始發黃。
已打電話畀房署三次…起初話係上一層單位住戶嘅冷氣向下吹導致出現冷凝水...但係職員到上一層單位了解後話人地冷氣機都未裝…唔會係冷凝水。
其後愈黎愈黃…再打電話畀房署…回覆係無任何會導致滲水嘅原因…再加上那個位置一帶都唔會有水管水喉走過...又話再幫我追維修部上門睇睇。
因為臭味太勁…我(26/6)剷走表層…再封平底漿…待乾收縮後（都慢慢有暗黃）再補多一層平底漿…但第二日(27/6)都係慢慢有番暗黃…行近去都有臭味…只係比未整前味道輕咗d…但相信過多幾日又會一樣🥺...
我仲可以點做...房署上次已表明…非結構性問題唔會幫我整…只係幫我到上一層單位了解咩原因。問極點幫我處理…都只係話「唔知源頭」又話幫我叫維修部上門睇睇…都等咗4日仲未有維修部人員上門睇。
求意見/賜教🙏🏻（代發帖）

抱歉！ 你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？ 請按此建立帳戶｡(完全免費)
建立帳戶後請按此重載本頁｡

Chloe6699

淨係靠屋邨主X同工程部，做嘢速度有限，打電話俾1823最實際，講出你現時大概情況開埋個檔案，講雖然已經報咗屋邨維修，一直未能解決到你現時個問題，造成你有困擾，自然有人跟進，一日都未解決到問題，就隔幾日繼續打，到時維修部做嘢速度都會快好多。

Chloe6699

俾多小小建議，一日未解決天花問題根源，你唔使自己做任何嘢，鏟，批，或油都係白費心機，(利申)係我維修過程中累積小小個經驗。

CECICCY

懷疑會否樓上單位改動過廁所結構，滲嘅係應該經廁渠沖走嘅嘢？ 政府部門聯絡往來需時，可能一年半載都未處理到，如果經濟能力許可，或者搵驗樓師傅？

梁炳

發黃但冇嚴重滲漏。
單睇圖片，可能冷氣機有菌。

ceo222

唔似滲水喎…不過唔知係乜野。你剷咗佢…唔好批灰…過一排睇下點。我覺得一段時間之後就會無野。

mon2005

上面單位爆屎渠