綠置居取消晒1人單位係唔係好事？

想住到死果日

綠置居取消晒1人單位係唔係好事？

如果按常理…係冇人肯用間正常些公屋換個龍床綠置居。
之但係都叫得公屋咁間屋根本就唔係你㗎啦。
要趕走有大把理由 例如寬敞戶或富戶。
我又唔係叫起一座XX苑YY閣…只有1人單位的樓…只不過每個XX苑YY閣…係唔係都應該每層留1~2個1人單位…好過一刀切以後唔起呢？

Roy444@

我1人都唔會用間200呎公屋 去用1球買15X呎劏房式綠置😓改善唔到住屋空間❗反而會用幾十萬去買房署回收既3XX呎租置.所以取消15X呎綠置及居屋係有理由.

SLLAM

其實1人都有需要住大啲嘅，一來可能佢以後會結婚生仔，就算唔結婚，1人住200呎唔夠都係太迫。
至於你話租戶因成為富戶而被遷出。。。我嘅觀察係 啲人認為現時嘅資產上限非常足夠，所以佢哋唔覺得需要放棄公屋。

我我我_19811026

其實係…單身人士唔代表冇置業需求
直接講, 而家嘅房屋政策對單身人士係好唔友善

神安飛瀑

回應 #4 我我我_19811026

房屋政策對單身人士「友善啲」嘅話會拖低香港生育率，你睇下日本同韓國就知

神安飛瀑

回應 #1 想住到死果日

我自己一直FF華樂徑地盤會做綠置居，就算係公屋都會係類似租置屋咁賣啲單位畀華富邨重建戶籌錢，但係睇返佢嘅興建參數，31個住宅樓層有403個單位，即係每層13個單位，試問咁細幅地點樣塞13個單位入去，仲要整埋Lift、樓梯同埋垃圾房，A型單位少不免……
唔講未來，就講而家，先幾期綠置居啲納米單位(2010年代標準公屋A型單位)都長期賣唔晒，房署往後綠置居唔再整1人單位係徹底德政

想住到死果日

回應 #2 Roy444@

綠置居1人單位唔受歡迎原因當然是綠表係用間公屋做代價冇人想大屋搬細屋；
居屋1人單位反而可能有個有志青年白表抽，係唔係都上左車先算嘛。

難得有提租置單位問題我就講下，租置最「年輕」都35歲，至於博康更加40歲，而直到今天，都仲未有「已買租置單位壽終正寢拆卸時，點安排班未補地價業主好」政策。

（租戶反而唔洗唸，拆屋就安排搬鄰近新屋）

最舊果D好似博康村D屋，我懷疑預期壽命只有60年樓齡。即買左果位，只剩20年去想這問題。
講到這處大家都明白吧，再說買冇包裝修舊樓（租置會還原拆晒上手裝修），始終有條刺。

綠置居和居屋用入息中位數去定樓價比較理性和人性.
什麼市價6折/5折發售真可笑, 市價是可以操縱的.......

Roy444@

回應 #7 想住到死果日

各有各觀點與角度睇法❗

Roy444@

回應 #7 想住到死果日

直接買政府收回租置房署會翻新再攞出嚟抽  3XX呎幾十萬買五.六十年唐樓都的得 仲要比唐樓好住❗況且放出綠表二手市場售價獲利不比綠置 居屋差.

mon2005

納米根本無市場，連上車客都唔願買，最後呢批賣唔出單位只能靠隔離間補錢買埋。