住公屋有好有唔好

楊管

住公屋有好有唔好

由細到大都係要瞓碌架床, 同埋經常要爭廁所用

住公屋嘅各位, 係咪都係瞓碌架床, 同埋經常爭廁所用？

講真, 住公屋真係唔似報紙同網上面睇人人屋企都係咁富貴
我屋企就係一間300呎既屋住5個人,
朝朝早返工返學輪住爭廁所用... 兄弟姊妹share一間房
瞓碌架床, 即係其中一個人瞓唔著, 另一個人都好感受到佢碌來碌去...
我地有養貓...隻貓都經常爭床瞓

如果屋企人大家開心就好, 一家人真係好close
但到咗一鬧交就慘啦, 嘈到拆天, 都無得話匿埋喺屋企
要喊要嬲都要走出街, 或者去麥當勞､圖書館暫避
夜晚都只可以係樓下公園坐下, 嬲完又係要返去瞓碌架床...

我知香港好多人都係呢個環境長大...
只可以有公屋已經好好, 只少有個瓦遮頭...
好想快d賺到大錢, 可以生活得好d
（代發帖）

番薯咸旦王

現在生活不知幾幸福 當一個人孤單孤獨生活 現在嘅生活是多麼幸福 珍惜眼前一切 人生太短暫

kamanwo

呢d情况私樓一樣有，完

MaggieWong

家家有本難唸的經！不論住公屋或私樓都有咁情況！

但在經濟環境不景時…住公屋就幸運好多…起碼唔需要供樓或交貴租。

SIUYUEN830

不够地方就不要养猫了

Roy444@

回應 #1 楊管

同你差不多👍細細個一家6口住3XX呎間三房上下碌架床兄弟姊妹吵吵鬧鬧又一年 到人生創業時曾住過千呎複式獨立屋又住過別人眼中的千五呎豪宅 到人生低潮時又住過70呎劏房 人生高高低低經過許多歷練 輪流轉到現在呢年幾1人住200呎公屋 別人眼中孤獨 但自己感到舒適及樂得清靜🤗反而怕咗人多嘈吵 不過偶爾一次會好珍惜及回味每次聚會.以前及現在慶幸有間公屋住🙏心存感恩心....知足常樂🤗

violet86

呢啲都冇分公屋定私樓…一樣都會嘈交一樣都係爭廁所。

Galaxylee

回應 #2 番薯咸旦王

非常同意,當你試過大時大節得1個人,病到起唔到身去睇醫生想飲杯水都無,升職加薪都唔知同邊個講你就會好懷念以前的日子

KarsonHo

珍惜眼前人

mackerel

冇私人空間大致認同，但就唔就人就好睇性格。
我細個被教導開門閂門要冇聲，因為屋企有人返夜班，如果砰門有聲會嘈醒屋企人，所以我出門都被教用鎖匙閂門唔可以砰門。但我覺得冇所謂唔會覺得好麻煩，直到大咗我依然維持呢個習慣。
屋企人作息時間全家一定知，差在就唔就。就算唔係公屋住邊都會有呢D問題，因為呢D係人嘅問題，除非你出嚟自己住。
真係忍唔到劏房都要搬，免得發生家庭悲劇。