急！業權饋贈..有公屋的我..點算~

mylunch2013

急！業權饋贈..有公屋的我..點算~

大家好, 我唔知邊度可以講, 事情是咁的, 我家人六年前去世, 後來才知道他把業權送贈了給我和胞弟, 當時已經輪緊公屋.

我和胞弟立即在同一律師樓入面同一日做哂"接收業權四分一"及把自己的四分一業權立即轉贈另一親人. 所以當日從來都沒有任何該物業上的利益.

就因為覺得自己沒有擁有過該物業的業權, 所以我自己無同房署講過 (正在輪候…未攞公屋的)

之後我拎到公屋, 已經住咗1年半, 最近房署話我有在港有住宅物業, 後來發現田土廳有我的名字, 於是我被房署問咗幾個問題.

現在出了信, 叫我上法庭. 我有齊法律文件, 證明我當日真係無物業, 我是被遺贈的, 如果我知道佢送畀我, 我一定唔會要.

請問大家 我應該要點做好？

我很徬徨, 我等咗8年, 一家三口, 我真係唔甘心咁樣被收回公屋. 因為我真係喺遺產上無任何得益.

Yumayu

你的確擁有過
如果冇擁有過又點再轉送另一親友呢？

冇㗎啦，而家上庭解釋
唔接納都冇辦法
房署有心查得緊

mkdavid

呢D情況, 應該都無咩人答到你...

Mikozzang

當時律師冇中英對照文件畀你做證明？
轉讓要清楚係田土廳有冇交文件更新返
你呢個問題應該搵當時處理律師樓

mylunch2013

回應 #4 Mikozzang

無呀! 因為我諗當日係轉贈-->到親人.
真係無諗過田土廳有名.

請問大家有無類似情況,可否幫幫我?

感激萬分

JW1229

最好上返律師樓問清楚, 宜家你要上庭, 又無十足信心, 可能真係要搵返律師幫你講(如果你唔熟法律文件/程序)
最重要文件係證明到係遺產, 點樣分配(比邊個), 自己果刻擁有業權,不足以控制買賣, 最後以無代價轉讓比其人親人!

mkdavid

想知房署係話你而家果個單位仲有你名?, 定係你曾經擁有過?

Mikozzang

回應 #5 mylunch2013

你嘅代表律師有責任同你解釋成個流程同定義簽任何重要文件要一式兩份
而家理應搵當時律師樓，再睇下田土廳有名係咪因為remarks 位寫轉讓

圖wingha

我覺得你當時吾應該係律師樓簽收業權，一簽就係你的，如果吾係你的，又如何有權可以送俾其它親人，呢D田土聽一定有記錄. 其實遇到呢個情況，係咪可以簽一份文件放棄承繼遺產？

alice1218

姐係審查時根本查唔到你係曾繼承過物業甘奇怪？