回應 #4 飛faiyu772
有樣嘢想搵你求救我今日收到通知老闆話炒喎一個月通知
返到12月31號扣返有新年假
原因就係話生意差流失咗好多小學雞
佢請咗條朱古力我食
同我講聲唔好意思多謝我咁辛苦工作但係喺我角度我覺得唔係囉因為琴日發生咗一件事
琴日呢因為我太忙可能疏忽咗啲秩序
所以有小朋友呢可能喺玩或者無情力之下就冚咗對方一巴跟住塊面就紅曬
咁家長打嚟投訴啦塊面紅曬嗰個人叫子明
佢話佢個仔塊面紅卜卜
想知發生咩事
咁我就話佢同某個a同學玩緊我罰佢做練習做多啲之後就冇罰佢喇就走咗喇
可能子明個媽媽嬲淨係罰佢個仔唔罰其他人
畢竟佢個仔塊面紅曬走去搵老闆投訴
可能老闆睇到閉路電視覺得我失職唔理佢
由得佢哋玩
因為佢哋好曳同埋老實講我睇秩序真係好差
我想知 因為補習社係月頭收學費嘅
如果子明 呢幾日佢冇嚟到補習唔交學費
反正我都係返埋今個月就完結
因為我唔識得人情世故
可以都想請教下你
我應唔應該如果子明 今個月唔補習係因為呢單嘢 ，我應唔應該過幾日
走去問老闆：
其實係咪因為子明嗰單嘢你而搵我開刀呀？？
好應唔應該咁樣問呀定係咁樣問好樣衰呀?？
因為老闆都係做和事佬好嚟好去所以禮貌上搵另一個原因就係話生意差而炒我!
定係詐傻唔好咁樣問老闆呀?
如果子明過兩日佢交12月學費繼續補習咁即係話我應該要離開啦，佢應該背後同個家長講失職嘅導師被解除一個月通知25年一月份就見唔到佢，跟住先至會繼續補習落去
如果子明12月繼續補習，我就唔會咁樣問老闆
如果佢12月唔補呢？咁我係咪可以問下老闆係咪因為呢單嘢所以你要炒我?定係查問都唔應該問呀?
其實我心目中有諗過過幾日問我老闆係咪因為嗰單嘢而搵我開刀? 我同佢講話當傾計咁傾反正都做埋今個月，試下佢有咩表示，或者都講下就話之前我過去做嗰啲都曾經有同事發生過呢啲事件，老闆娘呢就兩邊都討好嘅，官腔扮死狗嘅啫就話個同事內部處分出警告信，由高級導師降級為初級導師，亦都念佢初犯寫咗求情信
所以就畀一次機會佢，咁樣換嚟嘅結果好唔好呀? 可以子明繼續補習，亦都唔需要炒人
我想你畀下意見
我又喺度繼續做
