其實啲單位點嚟？

heungheung

其實啲單位點嚟？

我諗左幾年～ 新樓就唔講啦，但8成既單位都係舊既～ 咁啫係前住客遷出…我可以理解有幾個可能…首先唔會係凶宅或有咩問題單位…呢啲單位會畀特快公屋申請者。
咁啫係話前住客遷出有幾個可能…第一：買咗居屋/綠置居～ 第二：全家移民～ 第三：超級富戶被趕走～ 第四：調遷到較大單位～ 應該都不離這些原因…咁其實前住客都應該係住得幾唔錯喎～ 雖然有可能係無啦啦著草(逃難)…我斜對面一家就係…有一天我睇住佢地拎行李箱離開後就無回來…

近呢十年…政府已無起大單位…改為派兩個單位畀輪候冊大家庭…我地呢啲公屋戶就靠每年年尾嘅擠迫調遷… 如果揀唔到…又要等一年…

大家又會唔會八吓前住客點解遷出呢？ 正常都係住得好好～ 不過住得好好就唔會走啦…特別6人以上單位…如果係你…會唔會唔要吖？

cc1214

應該有d係寬敞戶調走左

我係女仔

回應 #1 heungheung

我收過幾間移民，又有係外面過身

carfield0916

我隔離啱啱換咗人，大單位的子女都大咗出咗去住，咁剩返一個人，調咗去細單位！

飛faiyu772

回應 #1 heungheung

C兄：
人口增加係正數，
亦有機會係減數！
唔一定係仙遊嘅。
如果本來是五、六人家庭，
隨著小朋友長大，完成學習、開始就業，下一步就是談情、然後結婚，
他們也是住得好好的，但自己嘅發展更好，又想獨立生活，怎會再願意一齊住？
$多嗰啲會利用間公屋，換居屋俾兩老，當作投資也是報恩！故事大概就是這樣．．．．

嘟嘟90723

我甘岩有個朋友既朋友住係我揀個新單位隔離，問到上一手係因為寛敞戶搬出去的

ceo222

回應 #1 heungheung

間屋始終唔係自己…買樓先係自己…D仔女大晒…如果唔買…將來仔女就要面對被房署趕走或迫遷…新樓幾年都有人買居屋搬走。

Mamaconnie

回應 #6 嘟嘟90723

咁好呀，知道前租客乜事搬走

豆豆KK

當子女大，2年一次入息審查，條數點督都唔靚仔，比幾倍租金，自然就會想換居屋。

Siuhei1030

政府而家查得好緊要啲大單位，我身邊好多個都係因為啲仔女大哂搬哂出去，2人住6人單位又有，2公婆錢多得制爆額又有，我屋企人自己又係太有錢被趕走，真係唔該政府繼續做野下年再多啲大單位俾反啲真正有需要既大家庭，政府又唔再起啲大單位出黎