係因為我上星期一開始投訴
總共有兩個人聽過我ge電話,但都話唔到事,只係話遲少少覆番我點解決
跟住我就打比房署投訴埋
嘉怡拿拿聲搵個經理打比我跟進
投訴一)
我有晚番屋企時,垃圾籮係滿哂垃圾,即時影張相
跟住第二朝番工時睇到仍然係o個籮垃圾面頭再加多兩袋新ge垃圾,跟住再影張相
相機有哂時間日期
問佢點解可以14個鐘唔清垃圾
因為開始第一及第二個女人同我講每日清潔工人會倒兩次定三次垃圾
咁依家因咩時14個鐘都無清到垃圾
*呢個投訴佢第二日覆番我,查過原來o個日ge清潔工人係清潔公司每星期請番o黎ge替工,
比我發現o個晚佢就偷雞,而即時解僱<--其實有無解都唔知,只可信佢*
投訴二)
我影張垃圾籮滿哂ge相
之後揭起垃圾桶蓋影一袋垃圾都無ge相
跟住就同佢投訴垃圾房唔應該放垃圾籮
因為d人會貪方便就咁放垃圾籮而唔用手揭起蓋去放垃圾
*佢話會個垃圾籮係為左方便仲裝修緊ge人清泥頭,我問番佢如果係ge話應該搵個大ge籮並唔係咁細ge籮
呢個籮係好明顯清潔公司方便佢地倒垃圾時用,我唔接受放個垃圾籮去方便貪順手ge人
佢話會搵人清左個垃圾籮,但我第二日都仲見到,第二日再打比佢,佢話會親眼睇住清潔工人拎走,
o個日5點幾番到去都仲見到,又再打比佢,問佢點解親眼睇都仲會o係到,佢話佢即刻再跟跟,之後我去完街番黎就唔見o左*
咁有關要求掉走垃圾桶去樓梯位置,佢ge回覆同嘗試解決方法:
1)貼住指明垃圾房o係邊ge標示,等住戶唔會再話唔知垃圾房o係邊
2)會出埋信比各住戶
說明如果唔將垃圾放入垃圾桶而只放o係地下
比管理員巡查時發現
會被扣分
3)清潔工人每次清完垃圾,會搵消毒藥水沖洗渠口
而我都問左如果仲係有住戶唔怕死放o係地下點處理
佢話比佢地試一個月
新年前會再睇情況嚴唔嚴重
如果嚴重
會嘗試同房署傾傾睇下可唔可以將垃圾桶放樓梯
雖然依家有人因為無左個垃圾籮而放地下
都只係少數衰人貪方便
我都會每晚番屋企前去垃圾房睇睇,如發現垃圾放地下,會照影相,集集埋埋一個月
有哂時間日期,到時必定強烈要求移走垃圾桶,
等我地01-05住戶唔好比D自私ge人直接影響到lor
希望幫到自己ge同時都幫到其他受害鄰居