德和樓單位方向唔係向源和路，都是向邨內，嘈極有限。
反之，你想想你要的是甚麼
好處：
1. 近禾輋商場，買嘢方便
2. 巴士站喺附近，基本出荃灣、九龍同入大埔都方便，過海就差啲
3. 現時房署翻新單位執得好好，廚房露台廁所舖了防滑磚，廚房灶台已舖好磚，牆身油好油，裝修基本上舖地下間房就入得去住。
4. 如果有小朋友，附近有名校中小學：主風、呂明才、曾肇添，樓下仲有救世軍幼兒園。
唔好處：
1. 德和樓是舊長型，面積約280呎，間兩房唔係唔得，但細。
2. 因為舊式設計，雖然本身設計通風，但因為走廊氣窗有潛在保安隱憂，如果你長期唔開，通風效果減低了。
建議：你先去睇樓，睇單位方向，通唔通爽，會唔會常有人在單位外出入 (因德和樓旁是行人天橋)，順便問下辦事處，這單位有無發生過污水倒流。
最緊要自己接受到！
