請問一下有無人會考慮買抽濕機呢?

盈富街坊

請問一下有無人會考慮買抽濕機呢?

我點解咁問呢, 係因為搵過師傅上黎打過價, 如果全屋牆身及天花鏟底, 洎光油, 批灰, 新油乳膠漆3層, 同就咁翻油油個價錢真係差好遠呀.  俾貴既就話防潮好d, 平既又驚第日甩灰同"泊".  所以依家打算就咁翻油, 潮濕個時用架抽濕機幫補下, 希望d牆耐用d啦.

灣仔小子

翻油油個價錢點計架？批灰, 新油乳膠漆3層（包唔包防潮油？）個價錢又點計架？

盈富街坊

等我另外一個師傅打左價再報上黎傾下.  批灰, 新油乳膠漆3層係包埋防潮油既.

灣仔小子

OK！thx 等你既消息！

盈富街坊

今日另外一個師傅報左價.  廳房牆身天花剷底新造乳膠漆$14000, 翻油$8000.  如果只係差6000.  我諗我會俾貴d, 因為師傅補充過如果唔重新剷底批盪既話就做唔到天花線, 因為好易爆.

poo_law

其實我會買, 不過可能等搬左入去先慢慢買, 總之下個春季前一定買~ 我而家住將軍澳, 你地都知有幾濕, 所以廿幾年都用慣抽濕機既我, 點都要買部~~~

盈富街坊

我都知將軍澳好濕呀, 我住得寶個同事屋企人係將軍澳(最早期入伙個d)好早都買左,  後尾前2年我同事話覺得得寶都好濕, 又見我地自己買三x牌既電器有staff price.  所以最後都要買一部.

丫bu

我都想買部抽濕機....
有時潮濕時真的好唔comfortable.....
不過裝修用佐一大筆....餘下ge錢要買D basic ge 電器~~
窮......

poo_law

係, 抽濕機話平唔平, 話貴唔貴~ 所以我都係唸住遲下先買~ 可能等出年春季先啦~~~
最多平時d衫乾唔切既話夜晚就拎埋入屋, 開冷氣抽, hehe

蛋糕妹

我都係會住落先決定