榮昌街坊報小一排名

cheungshukhan

榮昌街坊報小一排名

小朋友今年要報小一啦!!
自行派位抽唔到,依家等大抽獎結果!!
想了解下報40網的街坊,既排位係點呀!!
我甲乙1~長協,甲乙2~聖安德
會唔會太危險?

MaggieWong

我唔知你揀果3間係咩學校，有少少心得，第一志願可以進取d，第二三志願就要保守少少，如果2，3志願都係熱門學校而人地係排第一志願，如果萬一你第一志願唔中，咁2，3咪好危，，，

琳琳拉C

小女當年報小一的時候去聽講座，小學校長教我地填，應該甲部只填1（就係心怡既學校）；甲2吉起度唔好填；乙部1填寫甲1的學校，之後就根據你的意願順序去填。點解甲2唔好填，校長解釋大概意思話，如果甲1抽唔中，而且你填左甲2，電腦又會起甲2度抽，如果啱好抽中，咁變左就去唔第一心怡的學校。希望你明我意思啦！當年我就係跟校長指點去填，結果真係去到心水小學。可惜搬來榮昌轉左果間學校我麻麻地中意啫，鳴鳴…最慘細仔係龍B，到時報小學爭崩頭都得啦，我唔想到讀亞囡間小學，到時又有排煩，唉！！不過，我見你心水都係長協同聖安德烈，我諗派去其中一間你都會開心既

Aapple

我甲部和乙部第一都會選寶血，因為最近我地屋企。

weiweisugar

我選咗第一聖安德烈，第二嘉靈，兩間都方便接送。聖安德烈附近有大型超市和百貨公司，啱我買食物同生活用品一站過完成可以多點時間做家務。富昌買送好少選擇。

weiweisugar

小朋友今年要報小一啦!!
自行派位抽唔到,依家等大抽獎結果!!
想了解下報40網的街坊,既排位係點呀!!
...
cheungshukhan 發表於 2014-01-24 16:03:26

如果你個號碼隨機是夠前，就得啦，好難講。今年協和的抽獎位少咗，競爭激烈。

cheungshukhan

回應 #6 weiweisugar


    點為之前呀!!!我見40網既no由7800xxxx開始架!!
但係我個no就7805xxxx,咁算唔算前呀??
最慘係我小朋友既有過度活躍同專注力問題!!
請問知唔知邊間好d同多d支援呀??

elainetam

回应 #7 cheungshukhan


    随机號碼不是你見到表格上的號碼
是一個你同我永遠都唔會知既號碼 只有教統局知

simonkawah

[轉載自 "教育王國"]
非常有趣容易明白的小一統一派位解釋！！升中都啱用.
《好好笑的小一統一派位舉例，簡單又易明》
舉個例；如你甲一填劉德華，甲二填余文樂，甲三填蕭正楠；乙部一、二、三也一樣。程序會先抽甲一，若唔中劉華，就會抽甲二，若你抽中余文樂，恭喜你，甲三、乙一、乙二、乙三都不會再抽了，你會得到余文樂。
因此，如你很喜歡劉華，你應在甲一填劉德華，甲二和甲三留空，乙一再填劉德華，乙二填余文樂，乙三填蕭正楠，咁你就可以maximize抽中劉華的機會了。
或者我再舉一例。全球任何明星都有粉絲會，而我們只可加入其中一個粉絲會做會員，我們要先知道幾個遊戲規則： 第一，每個會有50%可供統一派位； 第二，當中5%是甲部(全世界可跨區抽)，和45%是乙部(只供同區抽)，所以乙部名額是甲部的9倍； 第三，抽獎順序是甲1>甲2>甲3>乙1>乙2>乙3>乙4......>乙30； 第四，抽獎跟以上順序，一抽中就停，假如你甲2抽中，甲3至乙30都唔會再抽 第五，甲部雖可填任何區，但如別區冇明星你鍾意，也可填本區。
而家解釋範例： 我鍾意Tom Cruise>劉德華>福山雅治>松本潤>梁朝偉>余文樂>蕭正楠，我會填： 甲1(Tom Cruise)甲2(劉德華)甲3(留空) 乙1(劉德華)乙2(余文樂)乙3(蕭正楠)﹒﹒﹒﹒乙29(麥長青)乙30(艾威)
問題1：我點解甲3留空？做乜唔填福山雅治？ 答：因我愛劉德華>福山雅治，如我在甲3抽中福山雅治，咁我咪等於放棄乙1抽劉德華個45%Quota? 所以我情願甲3留空，都要抽劉華。
問題2：點解乙2唔填梁朝偉？而填余文樂？ 答：因為梁朝偉與劉華是同level大熱，乙一必然45%全被抽光，乙二仲抽是呃自己，只會浪費機會，所以我填次一皮的余文樂
問題3：做乜要填滿乙部三十個？冇心水可否留空？ 答：唔應該，因甲部留空，電腦會Skip，但乙部留空，電腦會亂抽，所要乙部要盡填，起碼填d唔討厭的，否則，可能會派阮兆祥俾你。

weiweisugar

回應 #7 cheungshukhan


    熱心的街坊已提供了答案^_^，希望大家都好運。老實說，我怕仔仔入最不受歡迎的幾間學校，只要是校風不錯，我就滿意了，因為我發覺大部份的教育工作，其實都是我在課外為孩子下功夫的。學校只要能提供愉快的團體生活就不錯了。