人生交叉點
阿強是一個普通的男人，一早結婚及有一女，因性格不合，兩夫妻生活不太愉快，最後因佢太太有外遇而導致離婚，阿強感情受到重創，一厥不振，連事業都放棄，終日沈迷網上世界，唔想見人，有一次偶然機會佢識左個女子叫阿賢，阿賢略知佢情況，不停鼓勵及支持佢，希望佢可以重新振作，兩人相處相交耐了，阿賢由憐生愛愛上了阿強，而阿強亦不知不覺間愛上阿賢，兩人開始交往，相處好開心，有共同話題及嗜好，而阿強的事業在阿賢協助下，亦開始略有成續，佢地兩人感情如膠似漆，本應好幸福，，，
但最大問題係，阿強係一個唔識照顧女兒的男人，因佢地離婚女兒唔算大中學時期，所以佢前妻一直住係佢家中，阿強讓左間房俾佢前妻住，自己訓廳，阿賢一直知道容忍唔出聲，希望俾時間阿強自己處理，唔想逼佢，直至佢前妻再婚，阿賢以為佢前妻結左婚唔會再係阿強家訓教，只係每星期間中上去煲湯煮飯俾女食，但原來，佢前妻當左呢個家係避難所係外家，佢同而家丈夫唔開心就係阿強家住，阿賢一直被蒙在鼓裡，有一次阿強唔覺意講左出黎，佢先知道，阿賢好唔開心，佢開始懷疑阿強唔係真心喜歡佢，亦唔知自己究竟係咩身份，佢地係鄰居眼中依然係一家人，阿強因上次感情受傷後對婚姻失去信心，佢話唔會再婚，，，
阿賢終於忍唔住同阿強攤牌，叫佢同佢前妻講，佢有一個拍左兩年拖的女友，叫佢搬走，同埋俾佢夫家果邊，知道佢係前夫到住都唔係幾好啦！但阿強居然話，我同阿女感情麻麻，如果唔俾前妻上黎照顧個女，佢女一定好嬲佢，但講緊佢女而家已經係攞左成年身份證好耐啦！阿賢話佢可以間中上去照顧個女，但唔可以當果個係佢屋企自出自入過夜，但阿強過唔知點同佢前妻開口，叫阿賢上去佢屋企，等佢前妻返黎見到佢，介紹佢識，希望佢前妻知難而退，阿強仲講，我而家成日抽時間陪你啦對你好咪得囉，，，，點解仲要逼佢，，阿賢聽左，打個突，估唔到阿強咁講，，佢傷心難過，俾最後通牒阿強處理，，，
阿賢好痛苦，唔可以同人傾訴，因佢曾經同佢朋友講話，但冇人support，覺佢好傻，，
如果你係阿賢你會點做?繼續扮無知，容忍佢地當冇件事同阿強一齊?
定係要阿強同前妻攤牌搬走先再同阿強一齊?
你地認為故事中男主角係咪真心愛阿賢?本帖最後由 superwoman 於 2014-03-02 10:48:14 編輯
