申報保險(急)

hkbabygood88

申報保險(急)

申請公屋3年幾,我真的不知道原來人壽保險要申報.份保險唔會過額。
但最近得知,確要申報,聽聞E家報翻又話取消資格(打去房屋處熱線確認
有可能真的被取消資格)，真係吾報又死,報又死,點算好?
求大家意見,謝謝:
1,審查前申報(現時等了3年幾,未通知審查,如果被取消資格的話,就白等3年幾)
2,審查時才申報(有機會4-7年才審查,如果被取消資格的話,就白等4-7年)

墨魚太太

你放心啦!你審查時要見主任先要申報!如果你見左主任知後先申報你就會取消!我都係見主任才申報

LMH

多謝你呀，我睇完個問題之後，都擔心緊，好彩你解答左，如果吾系今晚又訓吾著

hkbabygood88

多謝你解答.
最後我選擇審查前補交寄出保險資料,已經有心裏準備會被取消資格.

因爲見過幾個個案審查前後提交都會被取消資格,然點都係死，咁自己踢爆總好過俾人踢爆，自己踢爆人地都會覺得你真係唔記得報，而唔係有心漏報，可能仲有情講，但……如果俾佢check到，到時真係水洗都唔清.我都見過有啲jm都漏報左，自己報返，唔過額多數主任都接受解釋，俾佢地pass,所以,我唯有碰下運氣.聽講三個月後有消息.

hkbabygood88

分享網上個別個案的例子:
1,審查前好報返，因為我早排見有個jm審查當日報，結果主任話唔使睇，事後俾房署取消左資格，房署回覆佢個原因正正就係漏報保險，所以快快報返，無論咩結果都好，早知好過遲知

2,我排左一年自己報返 結果浪費左1.5年時間 上年10月先重新再拎過NO排

3,本人媽媽申請老人單身公屋, 但由於她不懂, 在最初的申請表內並沒有申報有保險紅利 (因為你根本不清楚什麼是紅利), 但在第一次收到屋署信要安排接見及核對資產時, 在屋署識員詢問下發現我媽媽是有保險但沒有申報, 當時職員就叫我媽媽補回保險單, 我媽媽也照指示提供, 就算我媽媽提供保單, 再加上紅利也不超過公屋申請入息資格. 但不久之後收到房署的來信指申請被取消資格由於虛假陳述,沒有申報保險, 重點問題來了, 除了申請被取消資格外, 還收到屋署發信通知保留起訴的權利, 又叫我媽媽到黃大仙落口供. 之後再考慮是否會起訴我媽媽.

有朋友跟我說可以不去, 因為信內寫可以去也可以不去, 而且我亦打電話到房署問過, 他們也是說可以去亦可以不去, 但就不肯講如果不去會有什麼後果, 例如一定會起訴之類.

請問有冇朋友有相似經驗, 如果不去是否會有事, 如果去了又是否一定會起訴呢?

另外, 因為房署職員說可以再重新寫表格, 重新申請, 如果今次她不去的話, 會否影響她再次重新申請的呢?

媽媽現在很擔心, 怕屋署真的會起訴………….只是因為年幾大不懂, 而且職員叫她補回保單時也即時提供, 根本沒有全心欺騙, 也要被起訴 ………………………

mak云

我同個仔買左份有分紅的保險，系寄出公屋申請後才生效的，我都系審查時報番，個主任查到我份保險系幾號生效的，同拒收到我份申請的日期一樣，不過因為頭兩年都無咩價值，唔會超額，個主任無講咩野，而家仲等陣通知，睇下審查通唔通過~好擔心

autopay_2005

cherryybl

其實我申請時都唔太記得自己有無報份保險，但我又怕煩，所以我巳決定起審查前取消份保單, 無眼屎乾淨.....

kenjiivy2013

你地取消份保險啦..

kenjiivy2013

我都是取消...之後再買.. 而家派到樓..