男女大不同之究竟你想點!!

MaggieWong

男女大不同之究竟你想點!!

女:
我真係好嬲囉
原本都已經夠嬲㗎啦
令我更嬲嘅係你根本都唔知我嬲咩
但係又要係度扮曬知錯say曬sorry咁
以為咁樣就無事可以過骨
根本一啲誠意都無
擺到明就係hea我諗住快啲搞掂我就算啦
咁你咪錯曬囉
你唔知錯唔知我嬲咩你扮咩知姐
你咁樣我仲嬲多幾錢重啊
搞到我好似無事搵事嘈
係度無理取鬧成個八婆咁
我唔係囉
係你自己後知後覺唔知唔覺咋嘛
同埋講真
其實有時我又唔係話真係咁嬲嘅
但係因為好多時要我嬲你先會係咁哄返我
平時都唔多理我好似唔緊張我咁
所以先至搞到我會繼續嬲
想你繼續哄
講到尾我都係想你緊張我多啲咋嘛…..
我叫你走唔係真係想你走㗎….
係晦氣說話黎㗎咋……
你知女人最叻講反話㗎啦
所以你唔好真係走左去啊
繼續係隔離哄返我就得㗎啦……
雖然我都係會繼續唔理你叫你走……

MaggieWong

男:

哄你唔係問題
但係可唔可以哄到咁上下就收手啊
我都係人黎㗎
我都有啊媽生㗎
我都有情緒我都會嬲㗎

同埋唔該你嬲就好好地同我講你做咩嬲
唔好成日係度扮無嘢
但係又要擺到明係嬲緊嘅
我問你嬲咩你又唔肯講
咁我唔扮知錯我可以點姐
你教我啦!!
之後哄你又唔理人
唔理你又話唔哄你
你究竟想點啊!!!
救命啊!!!!!
再係咁落去我真係會癡線㗎!!!

c7

做和尚最好

hkhk

天生一對

最愛

slimjade18

sam1688

你知女人最叻講反話㗎啦                                                                                                                       
繼續係隔離哄返我就得㗎啦……
雖然我都係會繼續唔理你叫你走……  
救命啊!!!!!                                 
再係咁落去我真係會癡線㗎!!!           

cwc

有D人覺得Lee D先係情趣.不過經常性就.........啋你都儍.

VickYeung

　

jijileung

這就是生活的情趣!