官燕

justnot1989

官燕

初相識叫官燕　認清真面目

成功跟很多女士「心心相印」，其中一位叫。有啲靚女好高貴，有啲就鍾意走洋娃娃路線，是後者。她那張照片應該是在不知情的情況下被人拍下的，很自然，身穿的連身裙是藍白橫紋，在陽光襯托下，整個構圖近乎完美。

JessicaHRJessica初次午膳，該約在甚麼餐廳？「佢鍾意食中國嘢嘛，美心皇宮啦，唔使諗啦。」死黨毫不猶豫說。咁？「妹妹仔嚟啫，唔使去到咁啩。」說話就唔係咁講啦，你有冇睇過《極速傳說》？「有。」記唔記得車神任達話講過乜嘢？「唔記得。」華哥話：就算對住最弱嘅對手，都要有獅子撲兔嘅心態。決定咗，一於食大?樓。

justnot1989

說來慚愧，第一次約會網友已經遲大到。走進大?樓，立刻看到Jessica，我慢慢坐在她對面，其反應是預期中的出乎意料，因為她一直以為我是忍者龜。「原來有人放假相。」Jessica笑着說。Sorry，驚放真相嚇親人。「使唔使咁假？」開場白自然，感覺不錯，而且最重要是Jessica真人靚過上鏡，我冇俾人呃！一如以往，大?樓各同事的招呼周到，我們一路吃得蠻高興的。甜品時間一到，氣氛徹底改變。
「點解冇椰汁官燕嘅？」Jessica一邊問，一邊把餐牌翻來翻去。剎那間，我諗緊佢係唔係講緊笑。係呀，佢哋呢度冇燕窩㗎，你想食？「冇㗎？咁算啦。」看得很清楚，呢個表情唔係講緊笑，佢真係好失望。Well，我都好失望。一個會在第一頓飯就叫椰汁官燕的女人，究竟是甚麼女人？終於知道，為甚麼長得像她一樣漂亮，也要在網上徵友。吃完那頓飯，我要設法遠離她，但她每天仍然給我打幾通電話，實在很難擺脫。辣火頭，我耍家，但講到救火，真係要搵高人。
辣火頭耍家　救熄有難度
「簡單啦。」Benson說。我們在跑馬地一家茶餐廳商討對策。洪律師，有乜計？「你打個電話畀佢，講一段好簡單嘅對白，保證佢以後唔搵你。」咁神奇？「記住，講嗰陣，把聲有咁鬼祟得咁鬼祟。」之後，Benson僅用兩秒鐘分享他的絕世好橋。聽完後，我問：「咁如果佢真係肯呢？」Benson吃一口紙包蛋糕，笑兩聲說：「如果佢真係肯，請佢食一世燕窩都抵啦。」好似幾有道理。
電話響不夠兩下，另一邊已經傳來Jessica焦急的聲音。「你去咗邊呀？」Jessica問。深圳。「去咗咁多日？」遲啲再解釋畀你聽，有嘢想你幫幫手，我嘗試用最鬼祟的聲線說。「你講啦。」我啱啱過關，俾海關捉到我袋住包K仔，