|
心情動態：
來自德朗邨 |
我的裝修完結編
總算入伙了
 總結裝修由原本7萬 經加加改改埋單8萬5 遇算之內了 第1. 裝修好煩人的 要好好同師傅溝通 愈熟就更加重要 因為師傅會用佢最方便施工程序 你想點裝更加要講清講楚以免爭執 由其費用 師傅無免費的 每加改都會計錢 所以一過就要知會 自己有所準備 第2. 所有尺寸要比師傅時要準確 以免出錯 我就系將洗衣機尺寸深同闊攪錯 用開架洗衣機裝唔到 失威 第3.舖地磚最好硬舖 因為地台比較實傳聲少 價錢比較貴 否則舖完之後 不要太快裝修 等乾透先好 否則有機會造成地台不平 第3.電制改位 除非日後用拖線周圍放 否則要好好思考電器擺放了 (我都有少少甩手) 用嘅電制位開關和蘇位 要早早選好 我就系淘X買左輕觸式開關制 佢面板比用開細左少少 一旦油漆師傅批灰 就出現缺口咁 同時覺得有輕微漏電感覺 最後都無裝 第4.廚房面台最好用黑金麻石同時用石屎做底 靚同夠實 斬嘢唔响 傳聲細 唔好用木板做底同用纖維做台面 淺色易污染也易花 一旦塗料損壞染左色就唔好睇 用木材做底一旦滲水就會谷起 尤其星盆龍頭位置 多點留意 第5.因無裝抽油煙機 用左部最強KDK抽氣扉 所以廚櫃做得低和實用 但木櫃貼防火板膠水敵唔過煙火熱力 出現谷起 即刻加塊隔熱綿 改善左 如果閣下唔裝抽油煙機 就要想好方法為好喇第6.如果問我要抽濕機好定浴室寶好 如果有老人家天冷怕凍 就選浴室寶 否則一定系抽濕機 乾衣一流 第7.裝冷氣尤其分體機 要認真考慮位置 防凍物料會有老化的 一旦漏水 好多人都會用木板遮掩 一滲水就夠你受了啦 因為師傅裝好試左無漏就收錢收工 系咪 第8.窗簾公司識得 但裝嘅師傅手工麻麻 佢就自己裝法無理會用家 最後自己親自裝過 因為我部冷氣咁安裝 對個師傅做成一點難道 過程同師傅爭執無用 傷和氣 當然佢態度我接受先 所以印證左愈熟愈要溝通 第9.選擇燈飾最好貼樓底 因為原本樓底唔算高 有壓迫感 同最好用LED 低熱慳電 樂記同飛記不二之選 第10.裝修有好多意見 尤其老虎 女人要靚為重要 男人觀點難免有出入嘅 爭執總會有嘅 大家都系為家 溝通吓讓吓就完工入伙啦 系咪 最後如果有人問攞師傅電話 我會比 不過師傅都要夾人的 我覺得好 閣下未必覺得好 每個人要求唔同 明白無 告誡大家 買電器最好系出面大舖 呢到個幾間都系垃圾最近條村發生左唔開心事 希望好快過去 大家同一村下 互相忍讓吓 大家打傷左 口停手停家人憂自己痛 何必呢? (唔知傳唔傳到相片呢?) |
||
|
|
|||
|
心情動態：
來自德朗邨 |
廚房好正，咁多爐
|
||
|
鬼鼠Day醒醒你
保守你的屋勝過保守一切，因為一人獨享一房單位，是靠晚晚玩到天光既長者所得
|
|||
|
心情動態：
來自非公營房屋 |
|
||
|
擴3 G1281
11年7月收藍咭 13年12月審查 14年1月step2
|
|||
