中環在線：
支付寶員工唱《產品經理是條狗》
9,609
■支付寶眾所周知係阿里一隻金蛋，但外間對其內部情況一無所知。
適中字型
較大字型
■支付寶眾所周知係阿里一隻金蛋，但外間對其內部情況一無所知。
阿里巴巴旗下支付寶眾所周知係一隻金蛋，但對於內部工作情況，除咗知道公司杭州總部到夜晚仲成日着住燈之外，所知不多。支付寶官方微博日前就發佈咗一首、叫《產品經理是條狗》嘅歌畀大家了解多啲喎。
首歌由支付寶一班員工組成嘅樂隊「萬塘路18號」主唱兼包辦曲詞，佢哋喺MV入面，着住花恤衫大跳「狗狗舞」，自嘲自己做到隻狗咁。佢哋唔單止唱出平日被「呼來喚去像條狗」，堅持工作要「不到完美不放手」，大呻每日早過雞啼起身、遲過貓瞓。
樂隊低音結他手元賽仲話，歌詞算係反映咗佢哋平時工作實況，有時加班加到累了，主音玉郎仲會拎起支結他即場唱畀同事聽，發洩放鬆吓心情。原來呢個樂隊已經成立咗四年，喺公司有間專用房練Band嘅，唔知馬雲係咪想培育佢哋做下「阿里五月天」呢？
