希望二哥無事呀！

亞力山大帝

希望二哥無事呀！

係星期四lunch時間，接到一個令我好震驚既消息，我諗係我咁大個仔都未處理過既事。

果日上晝，個電話係由我二哥打黎，當時我開緊會，所以好敷衍咁應左兩句就收左線，當我開完會開緊車出去食飯既時候，我打番俾二哥。

佢一接電話之後，問左幾句關於架車點，我答完佢之後，佢講左一句：「如果整唔到既，就幫我賣左佢，整番好既話，就你繼續用住先啦」，我聽完呢句，個心突然覺得有D不安感！跟住二哥突然講左一句：「我有cancer！」

我以為自己聽錯，而且我完全唔知咩反應，我無出聲，佢再講多一次：「我有直腸癌！」

剎那間我個腦一片空白，完全唔相信無啦啦有件咁既事發生。

期間講左一陣發現既經過、做過咩檢查、同埋黎緊點樣點樣咁。

二哥話只係同左大哥、家姐同我講，亞爸亞媽未知，亦都唔希望咁快俾佢兩個知，一切都等星期五檢查有無擴散，同埋今日既報告結果先！

係過左去既呢幾日，我好驚，好驚返到屋企唔知點樣對住亞爸亞媽；好擔心佢兩個知道後唔知會點；好擔心二哥個報告係點！

因為，我咁大個人，係我身邊都未發生過呢D野，更甚既係，呢次發生係我親哥哥身上，我完全唔識點處理。

而家雖然只係三號風球，但係話八號既機會亦都非常大，我亦聽到、見到好多同事、朋友希望可以早D掛八號，可以早D收工，但係我就反而一直希望唔好掛八號。因為，二哥約左四點半見醫生睇報告，我唔希望二哥二嫂、大哥大嫂、家姐姐夫、我要擔心多一日，只係希望可以盡早知道報告結果、知道無擴散，之後就做手術，咁就好啦！

p.s. 我出呢個post，只係想搵好朋友、好街坊舒發下，所以，希望睇到呢個post、知道呢件事既好朋友、好街坊，如果係CY見到我亞爸亞媽既時候，幫幫忙，繼續若無其事得架啦，我唔想佢兩老擔心！感激！

賈定珍

無事既無事既, 個風行慢左, 今日一定等到報告.  你地個個唔會擔心多一日.  希望你二哥平平安安身體健康啦

pegpeg

收到收到... 我祝願你二哥大步欖過, 做完手術好快就健健康康過嚟
你亦都唔好太過擔心, 好快就有結果出架喇! 一定冇事既~~
同時我地都會保密, 因為唔想令世伯伯母擔心

VickYeung

係星期四lunch時間，接到一個令我好震驚既消息，我諗係我咁大個仔都未處理過既事。
果日上晝，個電話係由我二哥打黎，當時我開緊會，所以好敷衍咁應左兩句就收左線，當我開完會開緊車出去食飯既時候，我打番俾二哥 ...
亞力山大帝 發表於 2009-9-14 15:49:04

　
祝他早日痊癒 , 家人的支持最重要 ~
另外 , 他的飲食習慣怎樣 ? 多肉少菜 ?

格古LOK

愿平安無事

kenny

平常心平常心,   
祝你二哥早日康復,
呢個時候親人支持好重要,你都要打起精神呀!!!   

laamlaam1010

加油呀,
佢好需要你嘅支持架 ~~

MaggieWong

係星期四lunch時間，接到一個令我好震驚既消息，我諗係我咁大個仔都未處理過既事。

果日上晝，個電話係由我二哥打黎，當時我開緊會，所以好敷衍咁應左兩句就收左線，當我開完會開緊車出去食飯既時候，我打番俾二哥 ...
亞力山大帝 發表於 2009-9-14 15:49

冇事既!!有家人既支持一齊面對,冇事係唔可以解決既,直腸癌衣家好普遍,可能同日常既飲食習慣有關,早d發現早d做手術會康復架,你唔洗太擔心,最緊要俾d信心你二哥,鼓勵佢勇敢及積極面對醫治

大帝:你要撐住!堅強d多d關心及陪伴佢,陪佢戰勝病魔,大家都會支持你架~~

祝你二哥早日康復!!


http://www21.ha.org.hk/files/PDF/colon%20guideline_tc_logo_revised_20090331_2.pdf

亞力山大帝

無事既無事既, 個風行慢左, 今日一定等到報告.  你地個個唔會擔心多一日.  希望你二哥平平安安身體健康啦
賈定珍 發表於 2009-9-14 15:55

多謝關心！
真係要改為聽日先睇報告！

亞力山大帝

收到收到... 我祝願你二哥大步欖過, 做完手術好快就健健康康過嚟
你亦都唔好太過擔心, 好快就有結果出架喇! 一定冇事既~~
同時我地都會保密, 因為唔想令世伯伯母擔心 ...
pegpeg 發表於 2009-9-14 16:06

多謝關心！