公屋資源爭奪戰

VickYeung

公屋資源爭奪戰

【晴報】14/05/2015

人性就係咁：無，就想有；有，就想有更多。阿怡同Betty媽嗌交就係基於人性，一個無公屋，一個有兩間，無奈香港資源有限，爭拗在所難免。

如果你問我點睇「綠置居」，我傾向同意阿怡，覺得政府唔應該將珍貴嘅房屋資源賣畀公屋戶。公屋戶總算有瓦遮頭；想置業，隨時都可買二手居屋，用公屋「換購」仲免補地價。點解政府仲要將資源優先放喺一班無逼切住屋需要嘅人身上？

住緊劏房嘅基層、捱緊貴租嘅人，唔係更值得幫咩？老實講，「綠置居」真係一項好莫名其妙嘅產物。政府要解決房屋問題點解唔直接啲？將新落成單位撥做公屋畀基層住，或變做居屋只限白表人士申請。要有綠表先申請得，簡直就係逼人去抽公屋。

最近上網睇到篇《伯母雞髀新論》，以前男人跟女友見家長，無樓揸手唔使旨意伯母夾雞髀你食。根據《新論》，今天住公屋先係大贏家：既無供樓重擔，亦唔使夾管理費同天價維修費，唔怕手緊無得去旅行。有網民仲話如伯母識揀，肯定將個女嫁畀公屋仔。咁又係，就算畀雙倍或三倍租都平過出面，仲可以折扣價買樓，難怪有錢嘅Betty媽都推個囝去抽公屋。進可攻，退可守嘛！

但Betty媽亦啱唔晒，教個囝申請公屋，不如教佢買樓投資。男子漢成世留喺Comfort Zone，他日難成大器呀。

is3721photo

伯母雞髀新論

robot139wong

Cherry-Lau

ksk111

lilingtsang2014

MaggieWong

世界變了, 以前住公屋,拎綜援唔想俾人知,如非必要都唔會申請
而家變左自豪,千方百計想方法申請

haaa

有着数喎，阿豬狗貓羊牛，都去啦，
E家咩年代先得架，無晒規矩，
以前大學生威威威，而家賤過花圃D泥

pheobe