陪伴咗大家三年嘅無綫處境劇《愛·回家》將於7月3日大結局,噚日亦都完成最後一日嘅拍攝工作,據講馬柔(郭少芸飾)裘亞域(黃德斌飾)及尹德如(朱慧敏飾) 馬壯(黎諾懿飾)會有情人終成眷屬。咁做完《愛·回家》之後做咩呀?
噚日無綫就舉行咗個《愛·回家》"變新"記者會,即係做完《愛·回家》之後……都係《愛·回家》。將於7月6日播出嘅新《愛·回家》,會以健身室同埋海味鋪作為新故事背景,將《愛》延續落去。除咗新故事之外,亦加入唔少新演員,例如:張繼聰、黄翠如、麥長青、吳業坤、何君誠等等,新舊演員仲會交替演出,馬家成員會喺適當時候回歸,唔怪之得劉丹同馬家成員大叫:「I will be back」啦!
新《愛·回家》中,張繼聰同黄翠如將會飾演同居情侶及瑜伽導師,珍姐更點名張振朗、吳業坤同埋何君誠,話希望可以俾機會佢哋。
冇咗馬家,《愛》劇將由張繼聰同黃翠如孭飛。
張振朗有得留低,仲係咪做宋禮勤?
不過冇咗馬家、冇咗「戴守查」同埋冇咗「誰家灶頭」嘅《愛·回家》,仲係唔係《愛·回家》?留返個名,溝淡舊人,你buy唔buy?
舊人,bye~