好多未黎過未住過將軍澳的人都會一聽到“將軍澳”三個字,第一個反應就係好遠,有臭味又潮濕。我搬左黎三年幾,發覺全是誤信報紙報導產生的偏見。實情是呢度交通便利,去港九新界都好方便,冇臭味,至於潮濕問題,香港一到春天,度度都係咁潮濕,將軍澳唔係特別潮濕。而且呢度購物方便,又有戲院,其他配套例如海濱公園,單車徑,運動場,游泳池,圖書館都有,假日又可以去附近行山、入西貢沙灘游水、食海鮮,呢区環境有山有水,鳥語花香,有好多户外空間设施,特別有利於小朋友成長。我就好滿意喇,愈住愈鐘意,因為住係度舒服又開心! 不過,近年將軍澳好多中產進駐,收入中位数已經排到全港第三,所以物價較貴,尤其係怡明村位處的將軍澳站,將來十年會起好多私楼,不難想像,呢区会發展成中產区,物價唔会平,要有心理準備。