前護士長闊別33年再訪青山 巿民參觀後對病患改觀
2016-12-03 16:57:00 HKT
青山醫院前護士長鄭先生曾於醫院工作16年,1983年離開醫院後,今日首次回到醫院參觀。(梁佩珊攝)
巿民蔡先生特意偕同女友到青山醫院參觀,他坦言開放日的展覽及藝術中心打破他對精神病患者的印象,「話人有病,就會話你去青山啦,嚟到呢個環境,有種獲益良多嘅感覺,完全唔同之前對精神病患者嘅觀感」。(梁佩珊攝)
青山醫院前護士長鄭先生曾於醫院工作16年,1983年離開醫院後,今日首次回到醫院參觀,感嘆闊別33年,「好多嘢都已經唔同咗」,他憶述當年的往事同時,坦言「好鍾意做精神科,因為有挑戰性,好有滿足感」
鄭先生於1967年入職,當時剛從英國倫敦畢業回港,他笑言因從事精神科服務的薪金比普通科高,而且當時精神科人手不足,他回港後立即入行,「我哋裡面工作嘅同事都笑,人工比人高,我哋叫『心口費』,畀人打心口都唔好出聲,因為收咗錢」,他指自己未曾被「打心口」,但有同事曾被病患者襲擊。他又笑說當年的病患者會用牙刷自製武器,如果遇到失控的病患者需要打針制服。
他說大眾對精神病患者不理解,「話佢哋癲,但其實醫好咗就無事」,鄭先生與家人參觀醫院,憶述往事期間,更遇到當年曾服務的院友。
巿民蔡先生特意偕同女友到青山醫院參觀,他坦言開放日的展覽及藝術中心打破他對精神病患者的印象,「話人有病,就會話你去青山啦,嚟到呢個環境,有種獲益良多嘅感覺,完全唔同之前對精神病患者嘅觀感」。他指網上很多人分享青山醫院開放日的訊息,於是想認識青山醫院的神祕一面,「20幾歲人都未見過,好奇青山醫院係點」,他指今次參觀亦令他了解更多精神病患者的康復過程及生活。
巿民黃小姐亦是首次與友人參觀青山醫院,「青山醫院難得開放,都想了解下病人嘅治療環境」,她指今次參觀令她消除對精神病患者的刻板印象,「我見到佢哋整嘅藝術品,都覺得佢哋好犀利,有啲自愧不如,有時自己好正常,但有啲嘢我都未必做到,佢哋雖然係爭小小,但有啲方面真係好犀利」。