話說今日我入左長洲度玩, 搭八點半船番出中環, 係碼頭果度個過海的士站排隊等過海的士........排成廿幾人, 好喇終於到我喇,都等左成半個鐘先有車, 呢架的士係前少少(仲係過海站黎架)落左客, 跟住就駛左去我前面(我無出手截車), 我梗係上車喇,後面仲排左十幾人, 一上車佢問我行紅隧定西隧(中環番葵涌), 我答佢行西隧, 好喇差唔多到達目的地, 我見佢係咪錶度"禁"左$60蚊, 我明明記得行西隧的士單程收費係$45, 我梗係出聲問佢點解收雙程隧道,佢話過海就係收雙程, 我初時都好好禮貌, 我話我排果條係過海的士站, 只係收單程, 佢話佢無"冚旗", 唔係過海的.........有無攪錯呀, 佢自己車黎過海的士站上客, 仲話我野蠻唔比錢, 我火都黎埋, 我叫佢打上台度問邊個岩, 佢堅持唔肯, 又話無台電話, 仲講到好委屈甘願意少收$10, 點都要我比多$5隧道錢, 我唔係為左少少錢去同的士佬嘈, 係佢屈番我轉頭話我無睇佢有無"冚旗"就上車, 我堅持己見, 我話要報警.......最後司機先話算, 當佢當黑............我頂佢呀, 真係一肚火....
好想知真係要"冚旗" 的士先過海嗎??? 係佢錯定係我???