彩福邨垃圾房內幾時先可以有個大少少的垃圾桶呀! - 市區公屋 - 公共出租房屋 - 香港公營房屋討論區 - 公屋,居屋,綠置居,輪候,調遷,新屋邨,平面圖,公務員,裝修設計,2018年新公屋,公營房屋第一手資料...

handty

心情動態：

來自彩福邨

2012-04-10 08:48:46 繁简粗

留言#12 此留言網址

回應 9# DJ音符

清潔員工每日收垃圾時拖一次已經解決你既問題

分享分享讚好人數：0查看名單

handty

心情動態：

來自彩福邨

2012-04-10 09:05:05 繁简粗

留言#13 此留言網址

回應 11# 顏汶羽

恕我直言，垃圾桶問題你跟左兩年依然不斷有人上黎表示未解決，何不研究下其他方案？

上兩年我因工作關係去過唔少東九龍區公屋洗樓sale野，的的確確好多都係擺大堂，亦唔見衛生有特別差，而且現時衛生都唔見得好！一個行之有效既方法點解唔研究試行？現時既然垃圾房太細放唔落大桶，兩個垃圾桶又放唔到，真係好難怪人隨手放地下喎，唔通大家要爭位去放入桶，慢左明天請早？擺大堂可大桶亦可用雙桶，有足夠設備俾佢用都唔用就抵佢扣分無居住！

分享分享讚好人數：0查看名單

超級用戶 Rank: 7 Rank: 7 Rank: 7

DJ音符

心情動態：

來自彩福邨

2012-04-10 11:27:23 繁简粗

留言#14 此留言網址

回應 DJ音符

清潔員工每日收垃圾時拖一次已經解決你既問題
handty 發表於 2012-4-10 08:48:46

垃圾桶在大堂問題係有好多人都會隨便放在地.. 同埋幾大個垃圾桶都好會滿到時一地都係....仲有大堂的設計d味好難散

分享分享讚好人數：0查看名單

（帳戶名稱被屏蔽）

2012-04-10 12:38:06 繁简粗

留言#15 此留言網址

又到顏議員為居民謀福祉嘅時候喇！

管理公司唔夠錢買大D垃圾桶就早D出聲啦，相信彩福居民好樂意夾錢

講得好

handty

心情動態：

來自彩福邨

2012-04-10 20:47:31 繁简粗

留言#16 此留言網址

垃圾桶在大堂問題係有好多人都會隨便放在地.. 同埋幾大個垃圾桶都好會滿到時一地都係....仲有大堂的設計 ...
DJ音符發表於 2012-4-10 11:27:23

我上面個帖有講，擺大堂係一個廣為使用方法，１個桶唔夠就２個，唔受垃圾房大小限制，而有桶都唔用隨便放在地既人點都會有，呢Ｄ人只好祝佢全家受虫鼠光顧，早日扣分收屋

議員話現行垃圾房唔夠位放大桶／多１個桶，咁我地何不試行放２個去大堂睇下反應如何？依家個垃圾房你拎袋垃圾一開門見到常滿係唔係帶佢返屋企，然後等唔知幾點收完垃圾再去過睇下有無位放得入桶？係就當然

，但又有幾多個好似你咁有公德？相信大部分人都選擇放垃圾桶旁邊地面, 我自己就係呢種人

垃圾桶容量唔夠應付需要已經唔係第一日知，真係好難怪Ｄ街坊擺到成個垃圾房一地都係架。我信性本善

，只要房署有足夠容量垃圾桶供應，絕大部分街坊都好願意擺個袋入桶，呢一個相信就係點解咁多屋邨都用呢個方法既原因

我真係唔知點解到今時今日都仲要係個死胡同左諗右諗有咩方法令個細細垃圾桶超額客納大量垃圾

本帖最後由 handty 於 2012-4-10 20:48:20 編輯

分享分享讚好人數：0查看名單

LaDyKaKa

心情動態：

來自彩福邨

2012-04-11 13:54:29 繁简粗

留言#17 此留言網址

講真，如果將垃圾桶擺係大堂或立口位附近，我覺得反而解決唔到問題，係增加問題，畢竟人來人往，唔單止會有異味，而且又唔美觀，兼且而家新公屋越起越環境，越優美，先會有個垃圾房！相信大家都知，出面大多數d公屋係無垃圾房，就一個垃圾桶擺係大堂或立口附近，d住戶都抱怨房署點解唔整個垃圾房？!就我呢層垃圾房，個桶係空的，而有d住戶居然就手擺曬係地下，極無公德心，所以好多人都會羡慕而家d新公屋有垃圾房！問心果句... 我個人認為係有d住戶根本唔自律，唔自覺，其實如果大家自覺，可以行個方便，如見垃圾房桶滿曬，咪遲少少才拿去掉咯，唔可行咩？講真，即使真系擺係大堂或立口位，我地敢保證情況俾有垃圾房更理想嗎？？我估多數居民都心照吧！將心比已，假設無垃圾房，而係擺係大堂，跟住出現問題，我地係咪又要投訴點解無垃圾房呢？？有新公屋住已經好好彩了 ....！本帖最後由 LaDyKaKa 於 2012-4-11 14:18:26 編輯

分享分享讚好人數：0查看名單

handty

心情動態：

來自彩福邨

2012-04-11 16:40:29 繁简粗

留言#18 此留言網址

回應 17# LaDyKaKa

近十幾年落成公屋都有垃圾房，好多都係擺垃圾桶去大堂，我上面已講左呢個方法係廣為使用。無論咩方法都有利有弊，但既然咁多邨都肯用呢個方法，總有佢好處。
無公德人士永遠存在，問題係依家想做有公德都唔係咁易，而成因就係容量唔夠，現實條件就如議員所講垃圾房太細擺唔到大桶／雙桶，咁大家一係接受現狀咪咁多投訴一係另想辦法，擺大堂唔係唯一方法，但就係一個可行之法，你有其他方法亦應向議員提出。議員要求加強清潔服務係好事，但加強左２年都依然係解決唔到容量問題，始終我地只係公屋租戶唔係業主，無咁大權力要求管理公司派人一日收幾次垃圾。

我建議係每座抽幾層試行新方法，有冇成效就問返果幾層街坊，連試都唔試淨係識埋怨多垃圾無桶用衛生差，問題永遠係度。

分享分享讚好人數：0查看名單

LaDyKaKa

心情動態：

來自彩福邨

2012-04-11 23:28:28 繁简粗

留言#19 此留言網址

回應 18# handty

近十幾年的公屋都有垃圾房？就連石“蛺”尾邨得果幾年樓齡算“新”的公屋都無垃圾房呀，每層只擺放一個垃圾桶係立口位，有異味都算，仲引來好多“小強”，有時仲走入屋.... 而擺係大堂的公屋，多數都係好舊的公屋，成二三十年的樓齡，係擺係大堂/立口位呀，而且仲係擺咗兩個垃圾桶，係因為舊公屋出面的走廊地方又大又寬，樓梯位又多欄杆窗可通風，由於地方夠大，空氣又通風，所以變咗異味減少好多，兼且離住戶單位又遠，係無垃圾房設施之下，唯有認為算係“好處”，試問新公屋的大堂或立口位有無咁大的“多餘”地方擺放兩個垃圾桶先？空氣暢唔暢順先？！要明白，空氣對人體都系一個重要的因素！！
依度我見垃圾桶的擺放位置好挨近門，而桶後面剩下的空間仲可以擺多個桶，既然話擺唔到兩個桶，點解唔可以擺另一種長形或圓形較矮身/高身的膠桶呢？？呢個算唔算係其中一個可行試法？？如果依然唔肯擺多個桶，唯有建議議員為我地去爭取改善垃圾房的衛生事宜，盡力向有關部門商討加強人手安排，改善操作！既然有垃圾房，相關部門就應該要用心聽取居民的反應意見而去採取行動去改善，而唔係有了垃圾房提供俾我地就算，更唔係因地方細而得過且過，或寧願浪費有垃圾房的“資源”而去“霸佔”另一個地方去試行改善，如果真係擺放大堂或立口位，效果應該會更影響唔少近距離的單位居民！
本帖最後由 LaDyKaKa 於 2012-4-11 23:41:43 編輯

抱歉！你無權閱覽或下載此留言的上傳圖片或文件｡
如果你已建立帳戶但未登入, 請按此登入｡
你未建立帳戶？請按此建立帳戶｡(完全免費)
建立帳戶後請按此重載本頁｡

分享分享讚好人數：1查看名單

handty

心情動態：

來自彩福邨

2012-04-12 02:02:23 繁简粗

留言#20 此留言網址

回應 19# LaDyKaKa

你可以參考:http://www.housingauthority.gov.hk/tc/global-elements/estate-locator/standard-block-typical-floor-plans/index.html

近十幾年都係起和階, 新和諧為主, 你要用石硤尾邨呢個咁獨特既新長型非標準黎做例子唔係咁合適。我自己真係去過不下十條邨, 有垃圾房而擺大堂的確唔係少數。

垃圾房細到放唔到大桶/雙桶係議員所講, 我相佢唔會呃街坊, 既然係咁仲搞個垃圾房有鬼用? 其他邨都好可能係呢個原因先棄用垃圾房...

通風問題你住福彩高層無理由唔知大堂有幾大風, 大堂兩頭都有對流窗, 等lift 都聽唔少呼呼聲掛...無記錯睇過你個裝修帖, 住23, 24單位更應該有體會啦...順便問埋, 部格力今年開機未? 嘈唔嘈呀?本帖最後由 handty 於 2012-4-12 02:23:47 編輯

分享分享讚好人數：1查看名單